07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ուկրաինայի Ռադան պաշտոնանկ է արել վարչապետ Դենիս Շմիգալին ու ամբողջ կառավարությանը
Քաղաքականություն
16.07.2025 | 17:24
Ուկրաինայի Գերագույն ռադան պաշտոնանկ է արել երկրի վարչապետ Դենիս Շմիգալին, որը նախօրեին երկրի նախագահ Վլադիմիր Զելենսկիին խնդրել էր աշխատանքից ազատել իրեն։ Շմիգալը կառավարության ղեկավարի պաշտոնը զբաղեցրել է ավելի քան հինգ տարի՝ ավելի երկար, քան որևէ մեկը Ուկրաինայի ժամանակակից պատմության մեջ, գրում է BBC-ի ռուսական ծառայությունը։
Այս որոշման օգտին քվեարկել է 261 պատգամավոր, մինչդեռ անհրաժեշտ էր միայն 226 ձայն։ Վարչապետի հետ միասին՝ պաշտոնանկ է արվել նաև կառավարության ամբողջ կազմը։
Ուկրաինան սահմանադրորեն խորհրդարանական-նախագահական հանրապետություն է։ Այսինքն՝ երկրի իշխանության հիմնական կենտրոնը կառավարությունն է, իսկ ամենաազդեցիկ անձը, երբ խոսքը վերաբերում է ներքին քաղաքականությանը և տնտեսությանը, վարչապետն է։
Հիշեցնենք, որ նախագահ Վլադիմիր Զելենսկին առաջարկել է վարչապետի պաշտոնը զբաղեցնել առաջին փոխվարչապետ Յուլիա Սվիրիդենկոյին։
Թարգմանությունը՝ Էմմա Չոբանյանի
