17.02.2026 | 20:12
Լեհաստանը պատրաստվում է դատական հայց ներկայացնել՝ ՌԴ-ից փոխհատուցման պահանջով. FT
Դենիս Շմիգալը հրաժարական է տվել Ուկրաինայի վարչապետի պաշտոնից
Քաղաքականություն
15.07.2025 | 17:21
Դենիս Շմիգալը հրաժարականի դիմում է ներկայացրել Ուկրաինայի վարչապետի պաշտոնից։ Ակնկալվում է, որ նա կգլխավորի Ուկրաինայի Պաշտպանության նախարարությունը։ Այս մասին հաղորդում է ՌԲԿ Ուկրաինան՝ հղում անելով կառավարության ղեկավար Դենիս Շմիգալի տելեգրամյան ալիքում գրառմանը։
«Շնորհակալություն մեր պաշտպաններին, որոնք պահում են ճակատը և պաշտպանում Ուկրաինան։ Շնորհակալություն նախագահ Վլադիմիր Զելենսկիին վստահության համար։ Շնորհակալություն ամբողջ թիմին՝ մեր երկրի համար անխոնջ աշխատանքի համար։ Փա՛ռք Ուկրաինային»,- գրել է Շմիգալը։
Լրատվամիջոցը նշում է, որ այս շաբաթ Ուկրաինայի կառավարությունում փոփոխություններ են սպասվում։ Նախօրեին երկրի նախագահ Վլադիմիր Զելենսկին առաջարկել էր վարչապետի պաշտոնը զբաղեցնել առաջին փոխվարչապետ Յուլիա Սվիրիդենկոյին։ Եթե խորհրդարանը հաստատի նշանակումը, նա այդ պաշտոնում կփոխարինի Շմիգալին։
Շմիգալն իր հերթին կարող է ղեկավարել ՊՆ-ն, իսկ գերատեսչության ներկայիս ղեկավար Ռուստեմ Ումերովը, ամենայն հավանականությամբ, կդառնա Ուկրաինայի դեսպանը ԱՄՆ-ում։
Սպասվում է նաև երեք նախարարությունների միավորում՝ էկոնոմիկայի, ագրարային քաղաքականության և բնապահպանության:
Թարգմանությունը՝ Էմմա Չոբանյանի
