16.01.2025 | 13:53
Հանրապետությունում շարունակվում է սեզոնային գրիպի Ա տեսակի H1pdm09 ենթատեսակի շրջանառությունը. ԱՆ
Հայաստանը բարելավել է դիրքերը Համաշխարհային մրցունակության 2018թ. վարկանիշում
Տնտեսություն
17.10.2018 | 15:35
Հայաստանը բարելավել է դիրքերը Համաշխարհային տնտեսական ֆորումի (WEF) հրապարակած Համաշխարհային մրցունակության 2018 թվականի վարկանիշում (Global Competitiveness Index):
Աղյուսակում մեր երկիրը 140 երկրների շարքում 70-րդ տեղն է զբաղեցրել՝ նախորդ տարվա համեմատ դիրքերը բարելավելով միանգամից 2 կետով:
Նշենք, որ երկրների մրցունակությունը գնահատվում է 12 հիմնական չափանիշների վերլուծության հիման վրա՝ պետության կառույցներ, ենթակառուցվածքներ, մակրոտնտեսական միջավայր, առողջապահություն, կրթության ոլորտների ցուցանիշներ, աշխատաշուկայի արդյունավետություն, ֆինանսական շուկայի զարգացում, շուկայի ծավալներ և այլն: Այդ 12 ուղղություններից 11-ում Հայաստանն առաջընթաց է գրանցել: Նշանակալի առաջընթաց է նկատվել տեխնոլոգիական պատրաստվածության, առողջապահության, կրթության, ապրանքների շուկայի, աշխատաշուկայի արդյունավետության և նորարարական կարողությունների մակարդակները բնութագրող ցուցանիշների մասով: Իսկ հետընթացը միայն մակրոտնտեսական վիճակի մասին ցուցանիշների մասով է: Սակայն, չնայած Հայաստանն այս տարի բարելավել է դիրքերը, այնուամենայնիվ, դեռևս հետ է մնում տարածաշրջանի մյուս երկրներից. Ադրբեջանն աղյուսակում 69-րդ տեղում է, Վրաստանը՝ 66-րդ:
Հավելենք, որ Համաշխարհային մրցունակության աղյուսակը 85.6 միավորով գլխավորում է ԱՄՆ-ն: Եռյակում են նաև Սինգապուրն ու Գերմանիան՝ համապատասխանաբար 83.5 և 82.8 միավորով:
