28.03.2026 | 14:10
Գեղասահորդ Կաորի Սակամոտոն աշխարհի չեմպիոն է դարձել ռեկորդային միավորներով․ ՏԵՍԱՆՅՈՒԹ
Հայաստանի պատանի օլիմպիականների արդյունքները գոհացնող են
17.10.2018 | 14:23
Արգենտինայի մայրաքաղաք Բուենոս Այրեսում հոկտեմբերի 18-ին կավարտվի պատանեկան ամառային օլիմպիական երրորդ խաղերը: Հայաստանի ներկայացուցիչներից վերջինը ասպարեզ մտավ գեղարվեստական մարմնամարզուհի Յուլիա Վոդոպյանովան. տեղեկացնում է ՀԱՕԿ լրատվական բաժինը:
Ինչպես հայտնի է, բազմամարտում նա մտել էր եզրափակիչ` լավագույն ությակ: Չորս առարկաներով կատարած վարժությունների ընդհանուր արդյունքում նա վաստակեց 60.950 միավոր, գրավեց 6րդ տեղը, որը համարվում է մրցանակային:
Գոհացրեց նաև լողորդ Արթուր Բարսեղյանը, որը ազատ լողաոճում մտավ եզրափակիչ ու սահմանեց հանրապետական երկու ռեկորդ:
Հիշեցնենք, որ մինչ այս մեր երկրի ներկայացուցիչներից ծանրորդ Կարեն Մարգարյանը նվաճել էր ոսկե, իսկ հունահռոմեական ոճի ըմբիշ Սահակ Հովհաննիսյանը` բրոնզե մեդալ:
Հայաստանի պատվիրակությունը հայրենիք կվերադառնա հոկտեմբերի 23-ին,ժամը 00.50-ին` Դոհա-Երևան չվերթով:
