07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Գերագույն ռադան վավերացրել է Ուկրաինայի դեմ ագրեսիայի հետաքննության համար հատուկ տրիբունալ մասին համաձայնագիրը
Քաղաքականություն
15.07.2025 | 20:30
Ուկրաինայի Գերագույն ռադան վավերացրել է Եվրոպայի խորհրդի հետ Ուկրաինայի դեմ ագրեսիայի հանցագործությունները հետաքննելու համար հատուկ տրիբունալ ստեղծելու մասին համաձայնագիրը։ Այս մասին հայտնել է ուկրաինացի պատգամավոր Յարոսլավ Ժելեզնյակը, գրում է Current time-ը։
Համաձայնագիրը ստորագրվել է 2025 թվականի հունիսի 25-ին Ստրասբուրգում Ուկրաինայի նախագահ Վլադիմիր Զելենսկիի և Եվրոպայի խորհրդի գլխավոր քարտուղար Ալեն Բերսեի կողմից։
Փաստաթուղթը թույլ կտա լայն շրջանակի մասնակիցների աջակցել և կառավարել տրիբունալը, ինչպես Եվրոպայի խորհրդի անդամ պետությունների, այնպես էլ դրա անդամ չհանդիսացող երկրների, ինչպես նաև ԵՄ-ի կողմից։ Հատուկ դատարանը կգործի Եվրոպայի խորհրդի շրջանակում և կունենա ագրեսոր պետության բարձրագույն ղեկավարությանը հետապնդելու մանդատ՝ Ուկրաինայի դեմ ագրեսիայի հանցագործության համար։
Զելենսկին ասել էր, որ այս համաձայնագիրը և տրիբունալը իրական հնարավորություն են տալիս մարդկանց պատասխանատվության ենթարկելու ագրեսիայի հանցագործության համար:
«Այլ հաստատությունները, նույնիսկ միջազգայինները, չունեն դրա համար անհրաժեշտ գործիքներ, և մենք պետք է հստակ ցույց տանք, որ ագրեսիան տանում է պատժի»,- ասել էր Ուկրաինայի նախագահը։
Հիշեցնենք, որ 2024 թվականի մարտին Հաագայի Միջազգային քրեական դատարանը ՌԴ նախագահ Վլադիմիր Պուտինի և Ռուսաստանի երեխաների իրավունքների պաշտպան Մարիա Լվովա-Բելովայի համար կալանքի օրդեր է տվել՝ Ուկրաինայի օկուպացված տարածքներից Ռուսաստան երեխաների անօրինական արտաքսման համար։
Թարգմանությունը՝ Էմմա Չոբանյանի
