28.09.2026 | 22:53
Լրագրողների ձերբակալությունները սրում են ԱՄՆ-Ադրբեջան հարաբերությունները․ Washington Examiner
Ղրիմի օդանավակայանն առաջարկում են Այվազովսկու անունով կոչել
Քաղաքականություն
17.10.2018 | 13:22
Ղրիմի «Սիմֆերոպոլ» օդանավակայանը պետք է կոչել նկարիչ Հովհաննես Այվազովսկու կամ գրող Ալեքսանդր Գրինի անունով: Նման առաջարկով է հանդես եկել Ղրիմի Հանրային պալատի ղեկավար Գրիգորի Իոֆեն. տեղեկացնում է ՌԻԱ Նովոստին:
Նա ևս 10 անուն է նշել, որոնց թվում են Եկատերինա 2-րդ կայսրուհին, գրող Չեխովը, գիտնական Մենդելեևը և այլք:
«Կարծում եմ՝ օդանավակայանը կարող է ստանալ Այվազովսկու կամ Գրինի անունը: Դա իմ անձնական կարծիքն է: Այդպես եմ քվեարկելու: Նրանց ստեղծագործական գործունեությունն ու ճակատագիրը կապված է Ղրիմի հետ: Բացի այդ՝ մեր օդանավակայանն ալիքի տեսքով է: Գրինի ստեղծագործությունների թվում է «Ալիքների վրայով վազողը» վեպը, իսկ Այվազովսկու գործերը ծովային թեմատիկայով են»,- ասել է Իոֆեն: Երկրի 45 քաղաքների օդանավակայաններն անվանափոխվելու են «Ռուսաստանի մեծագույնանունները» ծրագրի շրջանակում:
