12.09.2026 | 18:53
Հայկ Սարգսյանը մասնակցել է ՔՊ ժողովին
«Անհայտ ծագման ֆիրմաների վրա մեր արտադրողները տարիներ շարունակ ապրանք են արտահանել». ՍԱՏՄ ղեկավար․ ՏԵՍԱՆՅՈՒԹ
Տնտեսություն
15.07.2025 | 15:55
«Անհայտ ծագման ֆիրմաների վրա մեր հայկական արտադրողները տարիներ շարունակ ապրանք են արտահանել»,- այս մասին լրագրողների հետ զրույցում նշեց ՍԱՏՄ ղեկավար Տիգրան Պետրոսյանը՝ անդրադառնալով Ռուսաստան ծաղկի արտահանման արգելքին։
«Իրենք բոլորը դա գիտեն, բոլորը դա ընդունեցին։ Մի օր ընդունող կողմն ասաց՝ ինչքան պետք է լինի՝ բավարար է։ Այսինքն, մենք արտահանում էինք X կազմակերպության վրա ապրանք, որն իրականում տեղյակ չի, որ ինքը որպես ընդունող կողմ ստանում է նմանատիպ ապրանք։ Ռուսական կողմի ֆիտոսանիտարական ծառայությունը գնում է տվյալ կազմակերպության մոտ, ասում է՝ խնդրում եմ ներկայացրեք ձեր փաստաթղթերը, այս մարդը հաղորդում է տալի, ասում է՝ ես բացարձակապես տեղյակ չեմ, նավթ մշակող ընկերություն եմ։ Այս պատմությունը միակը չէ, բազմաթիվ նման նամակներ ունենք»,- ներկայացրեց ՍԱՏՄ ղեկավարը։
Նրա խոսքով՝ 78 կազմակերպության արգելվել է ֆիտոսանիտարական սերտիֆիկատներ տալ, որոնք վերաբերել են նմանատիպ դեպքերին։
«Ծաղիկներ ներմուծող կողմը, տվյալ դեպքում Ռուսաստանը, հստակ ուզում է, որ բուսասանիտարական ապրանքները, որոնք ներկրվում են իր երկիր, լինեն իր ստանդարտներին համապատասխան. սա նորմալ պահանջ է և նորմալ է ամբողջ աշխարհում»,- ասաց Պետրոսյանը։
Մանրամասները՝ տեսանյութում։
Անի Թամրազյան
