01.11.2024 | 23:19
Հրդեհ Գյումրու տներից մեկում
Արիանա Կաոիլին դրամահավաք է իրականացնում Տավուշի մարզի սահմանամերձ գյուղերի համար. ՏԵՍԱՆՅՈՒԹ
Հասարակություն
17.10.2018 | 12:09
ՖԻԴԵ-ի կանանց միջազգային վարպետ Արիանա Կաոիլին սեպտեմբերի 21-ին՝ Հայաստանի անկախության օրը, սկսել է երկշաբաթյա հեծանվարշավ Կիլիկիայի միջնադարյան հայկական Այաս քաղաքից, անցել Անատոլիայով ու Իրանի հյուսիսով ու ավարտել հայ-իրանական սահմանին տեղակայված Ագարակ քաղաքում։
Այսօր հրավիրված մամուլի ասուլիսի ժամանակ Կաոիլին ասաց, որ հեծանվարշավի շնորհիվ դրամահավաք է իրականացնում «Հայաստանի մանուկներ հիմնադրամի» (COAF)՝ Տավուշի մարզի շահառու սահմանամերձ գյուղերի համար, իսկ անհրաժեշտ 10 000 ԱՄՆ դոլարը կծառայի գյուղերի սպորտային խմբակների ստեղծմանը, սարքավորումների ձեռք բերմանը:
Արիանան նաև նշեց, որ իր համար հոգեհարազատ է «Հայաստանի մանուկներ հիմնադրամը» ու այն հնարավորություն է ընձեռում գյուղաբնակ երեխաներին բարձրացնել իրենց կյանքի որակն ու մեծ նվաճումներ արձանագրել։
Նշենք, որ հավաքվելիք 10 000 ԱՄՆ դոլարը կծառայի Այգեհովիտ, Բերդավան, Պտղավան ու Ձորական գյուղերի զարգացման համար։ «Դեռ մնացել է 4000 դոլար, որը շարունակելու ենք հավաքել և իրականացնել մեր ծրագիրը։ Ես շարունակելու եմ նաև Հայաստանը ներկայացնել միջազգային հարթակներում»,- ասաց Կաոիլին։
Մանրամասները՝ տեսանյութում։
