18.12.2025 | 23:24
ՀՀ տարածքում ավտոճանապարհները հիմնականում անցանելի են
Հունան Պողոսյանը՝ հեղափոխության օրերին խաղաղ ցույցերը ցրելու հրամանների մասին. ՏԵՍԱՆՅՈՒԹ
Քաղաքականություն
16.10.2018 | 14:18
Ոստիկանությունը շատ ավելի հանդուրժողական էր, հատկապես ցույցերի վերջին օրերին: Այս մասին այսօր՝ հոկտեմբերի 16-ին ՀՀ կառավարության արտահերթ նիստից հետո լրագրողների հետ ճեպազրույցում ասաց ոստիկանապետի նախկին առաջին տեղակալ, Սյունիքի նորանշանակ մարզպետ Հունան Պողոսյանը՝ պատասխանելով լրագրողի հարցին, թե հեղափոխության օրերին ղեկավարությունից քանի՞ անգամ են խաղաղ ցույցերը ցրելու հրաման ստացել և ինչպե՞ս են արձագանքել այդ հրամաններին:
«Կարծում եմ՝ նոր Հայաստանի նախադրյալներն էին դրանք, ոստիկանությունը շատ ավելի հանդուրժողական էր, հատկապես վերջին օրերին, իսկ ես՝ որպես գեներալ, որպես սպա, որպես ուղղակի հայ, պատվախնդիր մարդ, արել եմ հնարավոր ամեն ինչ, որ բախումներ չլինեն»,- ասաց նա:
Հունան Պողոսյանի պնդմամբ՝ խաղաղ ցույցերի համար կոնկրետ հանձնարարականներ չեն եղել. «Եղել է իրավիճակի վերլուծություն, իրավիճակից ելնելով՝ ինչ-որ գործողություններ և, որպես կանոն, ոստիկանության ղեկավարությունը միշտ ձեռնպահ է մնացել կտրուկ միջոցներ կիրառելուց»:
Մանրամասները՝ տեսանյութում:
