01.10.2026 | 21:30
COP17-ի նախաշեմին Բրյուսելում կոչ են արել կենսաբազմազանության խոստումները վերածել գործողությունների
Շփոթվել եմ. դատավոր Մասիս Մելքոնյանը հայտնեց՝ ինչու մեղադրյալին չի պարզաբանել լռելու իրավունքի մասին․ ՏԵՍԱՆՅՈՒԹ
Հասարակություն
07.07.2025 | 13:59
Երևանի քրեական դատարանի դատավոր Մասիս Մելքոնյանն այսօր Բարձրագույն դատական խորհրդում պարզաբանեց, թե ինչու իր վարույթում քննվող գործով մեղադրյալին չի պարզաբանել նրա լռելու իրավունքի, ինչպես նաև` սուտ ցուցմունք տալու դեպքում քրեական պատասխանատվության մասին:
Դատավորն ասաց, որ հաշվի առնելով օրենսդրական կարգավորումները՝ ներկայում դատավորների վարույթներում քննվող գործերի մի մասը քննվում է նախկին, իսկ մի մասը՝ գործող քրեական դատավարության օրենսգրքով, և ինքը շփոթվել է՝ առաջնորդվելով նախկին քրեական օրենսգրքով: Հարկ է նշել սակայն, որ ինչպես ներկա, այնպես էլ նախկին քրեական օրենսգրքերով մեղադրյալն ունի լռելու իրավունք:
Դատավորը նշեց, որ այն պահից, երբ ինքը հասկացել է, որ խախտում է թույլ տվել, շտկել է սխալը, մեղադրյալին պարզաբանել է իրավունքների մասին: Դատավորը խորհրդին հայտնեց նաև, որ ինքը անթույլատրելի է ճանաչել մեղադրյալի հարցաքննությունը, ապա դատախազի միջնորդության հիման վրա նորից է հարցաքննել մեղադրյալին: Մելքոնյանն ասաց նաև, որ քննվող գործի նկատմամբ իր վերաբերյալ կարգապահական վարույթի քննությունը կարող է իր նկատմամբ ճնշում դիտարկվել:
Մանրամասները տեսանյութում։
Արաքս Մամուլյան
