17.12.2025 | 14:50
Նոտարական գործարքներ՝ թվային միջավայրում․ ինչ փոփոխություններ են սպասվում Կադաստրի կոմիտեում․ ՏԵՍԱՆՅՈՒԹ
ՀԱՊԿ զորավարժություններ. ավելի քան 1000 զինծառայող կմասնակցի կառույցի անդամ պետություններից
Քաղաքականություն
16.10.2018 | 14:03
Հավաքական անվտանգության պայմանագրի կազմակերպության (ՀԱՊԿ) «Անխախտելի եղբայրություն 2018» զորավարժություններին, որոնք անցկացվելու են հոկտեմբերի 30-ից նոյեմբերի 3-ը Եկատերինբուրգի մերձակայքում, ՀԱՊԿ անդամ պետությունների զինված ուժերի ավելի քան 1.000 զինծառայող կմասնակցի: Այս մասին գրում է ՌԻԱ Նովոստին՝ վկայակոչելով ՌԴ Կենտրոնական զինվորական օկրուգի հաղորդագրությունը:
Զորավարժությունները կանցկացվեն «Մարտական եղբայրություն 2018» օպերատիվ-ռազմավարական վարժանքների շրջանակում: «Զորավարժություններում կներգրավվեն 1.115 զինծառայողներ և 300 միավոր տեխնիկա, այդ թվում՝ 25 ավիացիոն: Մասնակիցները կմշակեն Կենտրոնա-Ասիական տարածաշրջանում ՀԱՊԿ անդամ չհանդիսացող պետության տարածքում խաղաղության աջակցմանը նախապատրաստման և օպերացիա վարելու գործողություններ»,- ասված է հաղորդագրությունում:
Նշենք, որ ՀԱՊԿ անդամ են Հայաստանը, Բելառուսը, Ղազախստանը, Ղրղզստանը, Ռուսաստանն ու Տաջիկստանը:
