21.01.2026 | 21:44
Հոգևորականը երեկ միացել էր Փաշինյանին, այսօր՝ Գարեգին Բ-ին․ ճնշումների մասին ահազանգեր. ՏԵՍԱՆՅՈՒԹ
Հանդիպել են ԱՄՆ-ի ու Թուրքիայի զինված ուժերի գլխավոր շտաբերի պետերը
Քաղաքականություն
16.10.2018 | 13:52
Թուրքիայի և ԱՄՆ-ի զինված ուժերի գլխավոր շտաբերի պետերի՝ բանակի գեներալներ Յաշար Գյուլերի և Ջոզեֆ Դյունդորֆի միջև կայացել է հանդիպում. տեղեկացնում է ermenihaber-ը:
Թուրք և ամերիկացի պաշտոնյաները մասնակցելու են ԱՄՆ-ում տեղի ունենալիք համաժողովին, որտեղ քննարկվելու են ծայրահեղական կազմակերպությունների դեմ պայքարի հարցեր։
Գյուլերի և Դյունդորֆի հանդիպման վերաբերյալ որոշ մանրամասներ է ներկայացրել ԱՄՆ-ի զինուժի գլխավոր շտաբի պետի խոսնակ Փաթրիք Ռայդերը։
Ըստ նրա՝ քննարկվել է առաջին հերթին Սիրիայի Մանբիչ քաղաքում թուրք-ամերիկյան պայմանավորվածությունները, ինչպես նաև այնտեղի անվտանգության և կայունության հարցը։ Միևնույն ժամանակ կարևորվել է թուրք-ամերիկյան համագործակցությունը «Իսլամական պետություն» (ԻՊ) ահաբեկչական կազմակերպության դեմ պայքարում։
Ռայդերը հաղորդել է, որ ԱՄՆ-ն ու Թուրքիան, որպես ՆԱՏՕ-ի «առանցքային կարևորություն ունեցող անդամներ» շարունակելու են ունենալ հզոր ռազմական հարաբերություններ։
