18.05.2026 | 13:54
Ֆիզիկական սպառնալիք ա, պոլերով ենք տալու, սատկացնելու ենք դրանց. Փաշինյանը` ընդդիմությանը․ ՏԵՍԱՆՅՈՒԹ
«Չգիտեմ». Թրամփը՝ ռուս-ուկրաինական պատերազմը դադարեցնելու հնարավորության մասին
Քաղաքականություն
06.07.2025 | 12:38
ԱՄՆ նախագահ Դոնալդ Թրամփը հայտարարել է, որ վստահ չէ՝ արդյոք կկարողանա դադարեցնել ռուս-ուկրաինական պատերազմը, հայտնում է Politico պարբերականը։
«Չգիտեմ։ Չեմ կարող ձեզ ասել՝ դա կլինի՞, թե՞ ոչ»,-ասել է Թրամփը լրագրողներին հուլիսի 5-ին Air Force One-ի բորտում, երբ նրան հարցրել են՝ վստա՞հ է, որ կկարողանա դադարեցնել ռազմական գործողությունները Ուկրաինայում։
Երբ նրանից հետաքրքրվել են՝ համարո՞ւմ է արդյոք պատերազմը դադարեցնելն առաջնահերթություն, նախագահը պատասխանել է. «Այո։ Ես կցանկանայի, որ դա տեղի ունենար»։
Նախընտրական քարոզարշավի ընթացքում Դոնալդ Թրամփը բազմիցս հայտարարել է, որ մտադիր է Ուկրաինայում ռազմական գործողություններին վերջ տալ հենց իր պաշտոնավարման առաջին օրը։ Ավելի ուշ նա այդ խոսքերը չափազանցություն է անվանել։ Պաշտոնը ստանձնելուց հետո Թրամփը փորձել է միջնորդի դեր ստանձնել հակամարտության կարգավորման հարցում, սակայն սպառնացել է դուրս գալ խաղաղ գործընթացից՝ ռազմական գործողությունների շարունակման պատճառով։
Այս շաբաթ Թրամփը հեռախոսազրույցներ է ունեցել Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկու հետ։ Պուտինի հետ զրույցից հետո ամերիկացի առաջնորդը հայտարարել է, որ դժգոհ է մնացել այդ խոսակցությունից, քանի որ «ոչ մի առաջընթաց չի գրանցվել»։
