09.10.2026 | 10:07
Երեք հայ բռնցքամարտիկներ մեդալ են ապահովել պատանեկան ԵԱ-ում
Հրդեհ Արմավիր քաղաքի բնակարաններից մեկում
04.07.2025 | 19:33
Հուլիսի 4-ին՝ ժամը 16:12-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արմավիր քաղաքի Հերացու փողոցի թիվ 8/1 շենքի 3-րդ հարկի բնակարաններից մեկից ծուխ է նկատվում: Այս մասին տեղեկացնում է ՆԳՆ Փրկարար ծառայությունը:
Ըստ գերատեսչության՝ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
«Անվտանգության նկատառումներից ելնելով՝ հրշեջ-փրկարարները շենքից տարհանել են 4 բնակչի։
Հրդեհը մեկուսացվել է ժամը 16:46-ին, մարվել՝ 17:13-ին: Այրվել է բնակարանի խոհանոցը (մոտ 20 քմ)՝ գույքով:
Հրշեջ-փրկարարները կանխել են հրդեհի տարածումը դեպի հարակից բնակարաններ»,- ասված է հաղորդագրությունում։
