06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
Թուրքիայում անտառային հրդեհները շարունակվում են․ Իզմիրում 2 մարդ է զոհվել․ ՏԵՍԱՆՅՈՒԹ
Քաղաքականություն
04.07.2025 | 14:44
Թուրքիայի Իզմիրի նահանգը պայքարում է մի քանի խոշոր անտառային հրդեհների դեմ, որոնք հանգեցրել են լայնածավալ տարհանումների, խլել առնվազն 2 մարդու կյանք, սպառնում են բնակելի և արդյունաբերական գոտիներին մի քանի շրջաններում։ Իշխանությունները հայտնում են, որ հրդեհներն առաջացել են էլեկտրահաղորդման գծերից, մեծ թվով հրշեջ միջոցներ են գործի դրվել, քանի որ ուժեղ քամիները շարունակում են խթանել հրդեհները։
Թուրքական լրատվամիջոցների հաղորդմամբ՝ Իզմիրի Օդեմիշ շրջանում կրակը երկու մարդու կյանք է խլել։ 81-ամյա անկողնային հիվանդ Իբրահիմ Էրքանը մահացել է Սուջիկտի շրջանում գտնվող իր տանը․ ընտանիքը ժամանակին չի կարողացել նրան տարհանել։
Հրդեհի երկրորդը զոհը անտառապահ Իբրահիմ Դեմիրն է, որը մահացել է Օդեմիշի հրդեհի դեմ պայքարելիս։
Օդեմիշի հրդեհը ստիպել է տարհանել բնակիչների չորս գյուղերից՝ Թոսունլարից, Սուջիկտիից, Քյոսելերից և Ուզումլուից։
Հաղորդվում է, որ Իզմիրի Օդեմիշ և Բուջա շրջաններում երեկ բռնկված անտառային հրդեհին արձագանքող խմբերը շարունակում են հրդեհաշիջման աշխատանքները։ Չեշմե շրջանում էլ կրակի հզորությունը նվազել է։
Նախօրեին հրդեհ է սկսվել նաև Իլդըր թաղամասի գյուղատնտեսական տարածքում և տարածվել անտառում։ Հրդեհի պատճառով տարհանվել են երեք թաղամաս։
Թարգմանությունը՝ Էմմա Չոբանյանի
