Պուտինը հայտնել է, որ այսօր հեռախոսազրույց կունենա Թրամփի հետ․ ԱՄՆ նախագահը հաստատել է

ՌԴ նախագահ Վլադիմիր Պուտինը հինգշաբթի՝ հուլիսի 3-ին հեռախոսազրույց կունենա իր ամերիկացի գործընկեր Դոնալդ Թրամփի հետ։ Պուտինն այս մասին հայտարարել է «Նոր ժամանակների համար ուժեղ գաղափարներ» ֆորումի շրջանակներում ցուցահանդես այցելության ժամանակ, գրում է Ինտերֆաքսը։

«Ճանաչիր մերը» ռուսական աճող ապրանքանիշերի ցուցահանդեսի մասնակիցներից մեկը նախագահին պատմել է իր ընկերության կողմից արտադրվող կոսմետիկայի մասին և նշել, որ Ռուսաստանը հսկայական հնարավորություններ ունի զբաղեցնելու իր տեղը միջազգային կոսմետիկայի շուկայում։ Պուտինը նշել է, որ Թրամփի հետ զրույցում նա «անպայման կառաջարկի նրան օգտագործել այն (ռուսական կոսմետիկ արտադրանքը)՝ ամերիկյան շուկայում առաջ մղելու համար»։

Վերջին անգամ Պուտինը և Թրամփը հեռախոսազրույց են ունեցել հունիսի 14-ին։ Սա նրանց հինգերորդ զրույցն էր։ Մինչ այդ էլ, նրանք խոսել էին հունիսի 4-ին։

ԱՄՆ նախագահը Դոնալդ Թրամփը հաստատել է, որ այսօր Պուտինի հետ զրույց է տեղի ունենալու։

«[ԱՄՆ ժամանակով առավոտյան] ժամը 10:00-ին խոսելու եմ Ռուսաստանի նախագահ Պուտինի հետ։ Շնորհակալություն»,-գրել է Թրամփը Truth Social-ում։

Financial Times-ն էլ, հղում անելով անանուն աղբյուրներին, հայտնում է, որ ԱՄՆ նախագահ Դոնալդ Թրամփը և Ուկրաինայի նախագահ Վլադիմիր Զելենսկին հեռախոսազրույցի կունենան․ դրա ընթացքում կքննարկվի Ուկրաինային ամերիկյան զենքի մատակարարման դադարեցման հարցը։

Զրույցը նախատեսված է ուրբաթ՝ հուլիսի 4-ին, սակայն ամսաթիվը և ժամը կարող են փոխվել, ասել են լրատվամիջոցի  աղբյուրները։

Թարգմանությունը՝ Էմմա Չոբանյանի