04.07.2026 | 01:22
ԱԱ-2026. Եգիպտոսը հաղթեց հետխաղային 11-մետրանոցներով. ՏԵՍԱՆՅՈՒԹ
Լուգանսկում տեղի ունեցած պայթյունից զոհվել է նախկին քաղաքապետը
Քաղաքականություն
03.07.2025 | 17:35
Լուգանսկի կենտրոնում տեղի ունեցած պայթյունի հետևանքով զոհվել է քաղաքային վարչակազմի նախկին ղեկավար Մանոլիս Պիլավովը։ Այս մասին հայտնում է Լուգանսկի տեղեկատվական կենտրոնը՝ հղում անելով մահացածի մերձավոր ազգականին, գրում է ՌԲԿ-ն։
Լուգանսկում պայթյուն է տեղի ունեցել կեսօրին՝ Տարաս Շևչենկո փողոցում: Ինքնահռչակ Լուգանսկի հանրապետության (ԼԺՀ) կառավարության մամուլի ծառայությունը հայտնել է, որ մեկ մարդ զոհվել է՝ առանց մանրամասներ նշելու: Հայտնի է, որ երեք մարդ վիրավորվել է, որոնցից մեկը ծանր վիճակում է:
Քրեական գործ են հարուցել պայթյունի փաստով, նշանակվել են մի շարք դատաբժշկական փորձաքննություններ, այդ թվում՝ պայթյունատեխնիկական:
Պիլավովը 61 տարեկան էր, ծնվել է 1964 թվականի մարտի 24-ին, Վրացական ԽՍՀ-ի Ալեքսեևկա գյուղում: 2006-2014 թվականներին զբաղեցրել է Լուգանսկի ղեկավարի առաջին տեղակալի պաշտոնը, նշանակվել է քաղաքապետ 2014 թվականի դեկտեմբերին, պաշտոնը թողել է 2023 թվականի նոյեմբերին:
ՌԲԿ-Ուկրաինան էլ նշում է, որ Պիլավովը հետախուզվում էր Ուկրաինայի Անվտանգության ծառայության կողմից 2015 թվականից։ Նրան մեղադրանք է առաջադրվել երեք հոդվածով՝ սահմանադրական կարգը տապալելու (պետական իշխանությունը զավթելու), տարածքային ամբողջականության նկատմամբ ոտնձգություն և ահաբեկչական կազմակերպություն ստեղծելու գործողություններ։
Թարգմանությունը՝ Էմմա Չոբանյանի
