13.01.2026 | 12:53
Վենսը դիվանագիտության կոչ է անում, Թրամփը՝ քննարկում Իրանին հարվածելու հնարավորությունը․ WSJ
«Ֆիզկուլտուրայի զբաղմունքը եղել է բլոտ խաղալ, նստել-խոսալ․ պետք է պրոցեսը դնել ռելսերի վրա»․ Փաշինյան․ ՏԵՍԱՆՅՈՒԹ
03.07.2025 | 12:21
ՀՀ մանկապատանեկան մարզադպրոցներում աշխատող մարզիչ-մանկավարժների վերապատրաստման ծրագիրը կիրականացվի յուրաքանչյուր տարի՝ դրամաշնորհի հատկացման մրցույթի միջոցով։ Կառավարության այսօրվա նիստում որոշման նախագիծը հավանության արժանացավ։
«2025 թվականին ծրագիրը կիրականացվի հոկտեմբեր-դեկտեմբեր ամիսներին։ Ծրագրի իրականացման նպատակով 2025 թվականին հավելյալ ծախս չի նախատեսվում, իսկ 2026 և հետագա տարիներին գումարների նախատեսման հարցը կքննարկվի բյուջետային գործընթացների ընթացքում՝ ֆիսկալ շրջանակների հստակեցումից հետո»,- գրված է նախագծում։
Վարչապետ Նիկոլ Փաշինյանն էլ կառավարության նիստի ընթացքում նկատեց, որ գիտելիքը անընդհատ պետք է «update» անել, քանի որ ժամանակն առաջ է գնում։
«Պետք է արձանագրենք, որ մեր երկրում երկար ժամանակ շատ տեղերում ֆիզկուլտուրայի և սպորտի զբաղմունքը եղել է նստել-խոսալ, բլոտ խաղալ և էդպես շարունակ։ Պետք է այս ամբողջ պրոցեսը դնել ռելսերի վրա, իսկ դա առանց գիտելիքի հնարավոր չէ»,- ասաց Փաշինյանը։
Մանրամասները՝ տեսանյութում։
Արփի Հակոբյան
