05.10.2026 | 22:50
Հրդեհ Հրազդան քաղաքում․ հրշեջ-փրկարարներին հաջողվել է կանխել կրակի տարածումը
Բաքվում շինծու գործերով նիստում Ռուբեն Վարդանյանի փաստաբանը մի շարք փաստաթղթերի տրամադրման համար դիմել է դատարանին
Քաղաքականություն
01.07.2025 | 21:36
Բաքվի զինվորական դատարանում այսօր տեղի է ունեցել Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական դատական նիստը։ Ադրբեջանական լրատվամիջոցները հաղորդում են, որ Ռուբեն Վարդանյանի փաստաբան Ավրաամ Բերմանը դիմել է դատարանին։
Նա հայտնել է, որ հունիսի 23-ին դատավորների կազմը թույլատրել է «մեղադրյալին» ծանոթանալ այս տարվա փետրվարի 13-ին և 17-ին կայացած դատական նիստերի արձանագրություններին։ Ներկայում նրանք ցանկանում են ծանոթանալ նախապատրաստական դատական նիստում կայացված և արձանագրություններում արտացոլված որոշումներին։ Պաշտպանական կողմը նաև խնդրել է իրենց տրամադրել այդ օրերին լսումներում իրենց կողմից ներկայացված միջնորդությունները բավարարելու վերաբերյալ որոշումների քաղվածքները։
Ռուբեն Վարդանյանը պաշտպանել է փաստաբանի դիմումը։
Նախագահող դատավոր Զեյնալ Աղաևը նշել է, թե «մինչ այժմ դատարանը մեղադրյալին և նրա փաստաբանին հնարավորություն է տվել ծանոթանալ ցանկացած փաստաթղթի և կրկին, ինչպես նախկինում, նրանց դա թույլատրվելու է» ։
Այնուհետև դատարանում ցուցմունք են տվել, իբր, «Հայաստանի ագրեսիվ պատերազմի և օկուպացիոն քաղաքականության ընթացքում կատարված հանցավոր արարքների տուժողները, ինչպես նաև նրանց իրավահաջորդները»։
Հաջորդ դատական նիստը նշանակվել է հուլիսի 8-ին։
Թարգմանությունը՝ Էմմա Չոբանյանի
