06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
ՌԴ ՊՆ-ն հայտնում է Նիժնի Նովգորոդում Սու-34-ի կործանման մասին
Քաղաքականություն
01.07.2025 | 19:52
ՌԴ Պաշտպանության նախարարությունը հայտնել է, որ Նիժնի Նովգորոդի մարզում Սու-34 ռմբակոծիչ է կործանվել, փոխանցում է Meduza-ն։
Ինքնաթիռն ուսումնական թռիչք է կատարել, խափանվել է վայրէջքի մեխանիզմներից մեկի հենարանը։ Օդաչուները կարողացել են կատապուլտացվել։
Թռիչքն իրականացվել է առանց զինամթերքի։ Ինքնաթիռը կործանվել է անմարդաբնակ տարածքում։
Սու-34-ի կործանումն այս տեսակի ինքնաթիռի երրորդ վթարն է մեկ տարուց մի փոքր ավելի ժամանակահատվածում: 2024 թվականի հունիսի սկզբին Հյուսիսային Օսիայում ուսումնական թռիչքի ժամանակ Սու-34 էր վթարի ենթարկվել, որի հետևանքով զոհվել էին երկու օդաչուները: Հուլիսի վերջին էլ Վոլգոգրադի մարզում էր Սու-34 վթարի ենթարկվել, օդաչուները հաջողությամբ կատապուլտացվել էին։
2025 թվականին Ռուսաստանում երկու անգամ ռազմական ինքնաթիռ է վթարի ենթարկվել․ մարտի 24-ին Պրիմորիեի երկրամասում կործանվել է Սու-25 ինքնաթիռ՝ շարժիչի խափանման պատճառով, օդաչուն կատապուլտացվել է։ Ապրիլի 2-ին էլ Իրկուտսկի մարզում կործանվել է Տու-22Մ3 ռմբակոծիչ, օդաչուներից մեկը մահացել է կատապուլտացվելիս։
Թարգմանությունը՝ Էմմա Չոբանյանի
