07.09.2026 | 22:24
Հայաստանի մի շարք հասցեներում էլեկտրաէներգիայի անջատումներ կլինեն
Արևմուտքը փորձում է Մոսկվային դուրս մղել հայ-ադրբեջանական հարաբերությունների կարգավորման գործընթացից․ ՌԴ ԱԳՆ
Քաղաքականություն
01.07.2025 | 17:44
Արևմտյան երկրներն ամբողջ ուժով փորձում են սահմանափակել Ռուսաստանի մասնակցությունը հայ-ադրբեջանական հարաբերությունների կարգավորման գործընթացին։ Այս մասին հայտարարել է Ռուսաստանի արտաքին գործերի նախարարության ԱՊՀ երկրների չորրորդ դեպարտամենտի փոխտնօրեն Դմիտրի Մասյուկը։
«Արևմուտքը փորձում է Ռուսաստանին դուրս մղել հայ-ադրբեջանական հարաբերությունների կարգավորման գործընթացից։ Ստիպում է կողմերին շտապ խաղաղության համաձայնագիր կնքել»,- ասել է նա Գորչակովի հիմնադրամի «Կովկասյան երկխոսություն» գիտակրթական ծրագրի բացման ժամանակ։
Միաժամանակ, Մասյուկը նշել է, թե ինքնահռչակ միջնորդների նման «միակողմանի և մակերեսային մոտեցումը չի օգնում հարցին»։
«Մենք հետևողականորեն աջակցում ենք Բաքվի ու Երևանի ջանքերին՝ ուղղված հարաբերությունների լիարժեք համապարփակ կարգավորմանը՝ հիմնված 2020 և 2022 թվականներին ամենաբարձր մակարդակով երկկողմ համաձայնագրերի վրա։ Հենց այս ձևաչափում է մշակվել երկու երկրների միջև հաշտեցման օպտիմալ ճանապարհային քարտեզը»,- ասել է ռուս դիվանագետը։
Նա նաև հավելել է, թե ռուսական կողմը ողջունում է խաղաղության համաձայնագրի նախագծի տեքստի շուրջ բանակցությունների ավարտը և առաջարկել է իր հարթակը «այս պատմական փաստաթղթի ստորագրման» համար։
«Մենք դրանում տեսնում ենք տարածաշրջանում կայունության և բարգավաճման հաստատման ուղղությամբ նշանակալի քայլ»,- հայտարարել է Մասյուկը։
Թարգմանությունը՝ Էմմա Չոբանյանի
