07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Թրամփը չեղարկել է Սիրիայի դեմ ԱՄՆ պատժամիջոցները
Քաղաքականություն
01.07.2025 | 09:46
ԱՄՆ նախագահ Դոնալդ Թրամփը հրամանագիր է ստորագրել, որով վերացվում են Սիրիայի դեմ ԱՄՆ տնտեսական պատժամիջոցները: Սպիտակ տան հայտարարության համաձայն՝ այս որոշումը քայլ է «դեպի կայունություն և խաղաղություն»․ գրում է BBC-ի ռուսական ծառայությունը։
«Միացյալ Նահանգները հանձնառու է աջակցել կայուն, միասնական և իր ու իր հարևանների հետ խաղաղության մեջ գտնվող Սիրիային: Միասնական Սիրիան, որը չի ապահովի ահաբեկչական կազմակերպությունների անվտանգությունը, այլ կապահովի իր կրոնական և էթնիկ փոքրամասնությունների անվտանգությունը, կնպաստի տարածաշրջանային անվտանգությանը և բարգավաճմանը», – ասվում է հրամանագրում:
Միաժամանակ նշվում է, որ Ռուսաստան փախած Սիրիայի նախկին նախագահ Բաշար ալ-Ասադի, նրա ընտանիքի անդամների և տապալված ռեժիմի կողմնակիցների դեմ պատժամիջոցները մնում են ուժի մեջ:
Ամերիկացի առաջնորդը հայտարարել է Դամասկոսի դեմ պատժամիջոցները վերացնելու իր մտադրության մասին մայիսի կեսերին՝ նախքան Ռիադում Սիրիայի նոր առաջնորդ Ահմեդ ալ-Շարաայի հետ հանդիպումը:
Սպիտակ տունը հայտարարել է, որ կհետևի Սիրիայի նոր իշխանությունների գործողություններին, այդ թվում՝ «Իսրայելի հետ հարաբերությունները կարգավորելու նախաձեռնություններին»:
Թարգմանությունը՝ Անահիտ խաչատրյանի
