Ավտոշուկայի հարևանությամբ բացվել է CarRix ավտոսպասարկման բազմապրոֆիլ կենտրոնը․ ՏԵՍԱՆՅՈՒԹ

Վճարովի բովանդակություն

Ավտոմեքենաների ներմուծում, փոխանակում, վերանորոգում և ավտոպահեստամասերի վաճառք․ այս հարցերում է մասնագիտացած CarRix ընկերությունը, որի սրահն իր դռները բացեց Երևանում՝ Խաղաղ Դոնի 1/22 հասցեում։ Շուկայում արդեն 10 տարվա փորձի շնորհիվ ընկերությունը ձեռք է բերել իրեն վստահող բազմաթիվ հաճախորդներ, սակայն այն կանգ չի առնում և շարունակում է գրավել նոր այցելուների։

Այպիսով՝ CarRix-ում պատվիրատուն իր մեքենան կստանա ամբողջովին փաստաթղթավորված, մաքսազերծված և ցանկության դեպքում նաև՝ վերանորոգված: Ընկերությունն իր գործունեությունը սկսել է` կենտրոնացած լինելով ԱՄՆ ավտոաճուրդներից ավտոմեքենաների ներմուծման վրա, հետո արդեն գործունեության շրջանակն ընդլայնվել է: CarRix-ն այս տարիների ընթացքում ձգտել է լինել հաճախորդակենտրոն, իսկ այսուհետ այն այցելուի համար կստեղծի էլ ավելի հարմարավետ և ապահով մթնոլորտ։ Ավտոսպասարկման այս բազմաֆունկցիոնալ համալիրում մասնագետները փորձառու են. դա հնարավորություն է տալիս լուծել անգամ առաջին հայացքից անհնար թվացող խնդիրները։

CarRix-ի հիմնադիր տնօրեն Ժիրայր Վարդանյանը շեշտում է՝ հաճախորդը պատվիրում է՝ իրենք իրականացնում․ «Հաճախորդը, որը գնում է, օրինակ, ավտոսերվիս՝ նոր թանկանոց մեքենա ձեռք բերելու, հնարավորություն ունի ասելու՝ ինչ գույնի և մոդելի մեքենա է ուզում, օրինակ՝ կարմիր ամենագնաց։ Մեզ մոտ նա նույնպես ունի այդ հնարավորությունները, նա կարող է գալ, ձեռք բերել երկրորդական շուկայի մեքենա՝ իրականացնելով իր ցանկացած մտահղացում»։

CarRix-ի առավելություններից մեկն էլ այն է, որ սրահը Էրեբունի ավտոշուկայի հարևանությամբ է: Սա նշանակում է, որ ավտոսեփականատերը կարող է մեքենան վաճառելուց առաջ ամբողջական լվացում իրականացնել ինչպես մեքենայի սրահի և դրսի, այնպես էլ` այն հատվածներում, որոնք հասանելի չեն սովորական ավտոլվացման կետերում: Ընդ որում՝ մեքենան լվացվում է հատուկ նյութերով, մեթոդաբանությամբ և սարքավորումներով: Դե, իսկ CarRix-ի սրճարանը թույլ կտա հաճախորդին լիցքաթափվել, օգտվել խոհանոցից և ապահովել ժամանց:

Մանրամասները՝ տեսանյութում։

Աննա Բաբաջանյան