08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Հանրային մեղադրողն ընթերցեց Սեյրան Օհանյանի որդու՝ Արթուր Օհանյանի մեղադրանքը․ ՏԵՍԱՆՅՈՒԹ
Քաղաքականություն
26.06.2025 | 14:38
«Լելե Թեփե» բարձունքը գրավելու ձախողված օպերացիայի գործով դատական նիստին այսօր հանրային մեղադրող Գևորգ Ավետիսյանը բացման խոսքով հանդես եկավ՝ ընթերցելով երեք մեղադրյալներին վերագրվող արարքները։
Գեղամ Աբրահամյանին մեղադրանք է առաջադրվել այն բանի համար, որ նա, զբաղեցնելով ՀՀ ՊԲ թիվ զորամասի 2-րդ մոտոհրաձգային գումարտակի հրամանատարի պաշտոնը, կոչումով փոխգնդապետ, կոչման և պաշտոնի բերումով հանդիսանալով մոտոհրաձգային գումարտակի զինծառայողների ուղղակի պետը, 2020 թվականի սեպտեմբերի 27-ին թիվ 1586-Ն որոշմամբ ՀՀ կառավարության կողմից հայտարարված ռազմական դրության ժամանակ՝ 2020 թվականի հոկտեմբերի 7-ին, հրաժարվել է զինվորական ծառայության առանձին պարտականությունների կատարումից, որը զուգորդվել է դրանց փաստացի դադարեցմամբ։
Գառնիկ Մնացականյանին մեղադրանք է առաջադրվել այն բանի համար, որ նա, զբաղեցնելով ՀՀ ՊԲ զորամասերից մեկի տանկային գումարտակի հրամանատարի պաշտոնը, կոչումով փոխգնդապետ, կոչման և պաշտոնի բերումով հանդիսանալով տանկային գումարտակի զինծառայողների ուղղակի պետը, 2020 թվականի սեպտեմբերի 27-ին հայտարարված ռազմական դրության ժամանակ՝ 2020 թվականի հոկտեմբերի 7-ին, հրաժարվել է զինվորական ծառայության առանձին պարտականությունների կատարումից, որը զուգորդվել է դրանց փաստացի դադարեցմամբ։
Գնդապետ Արթուր Սեյրանի Օհանյանն, ըստ մեղադրանքի, 2020 թվականի հոկտեմբերի 6-ից 7-ն, ընկած ժամանակահատվածում իր ծառայողական պարտականությունների կատարման նկատմամբ անփույթ վերաբերմունք է դրսևորել, որի հետևանքով դրանք կատարել է ոչ պատշաճ, որպիսի գործողություններն անզգուշությամբ առաջացրել են ծանր հետևանքներ։
Մանրամասները՝ տեսանյութում։
