08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մոտ ապագայում, հնարավոր է, Հայաստանը և Ադրբեջանը նոր քննարկում ունենան խաղաղության պայմանագրի մասով․ փոխնախարար․ ՏԵՍԱՆՅՈՒԹ
Քաղաքականություն
26.06.2025 | 14:51
«Կարծում ենք՝ մոտ ապագայում հնարավոր կլինի նոր քննարկում ունենալ Ադրբեջանի հետ»,- այս մասին Կառավարության նիստից հետո լրագրողների հետ զրույցում տեղեկացրեց ՀՀ ԱԳ փոխնախարար Վահան Կոստանյանը։
Նրա խոսքով՝ Հայաստանի ու Ադրբեջանի ղեկավարների միջև վերջին քննարկումը տեղի է ունեցել Տիրանայում՝ Եվրոպական քաղաքական համայնքի 6-րդ գագաթնաժողովի շրջանակում։
«Հայկական կողմը դրական է տրամադրված։ Հաշվի առնելով, որ մենք պատրաստ ենք ստորագրել խաղաղության պայմանագիրը՝ կողմ կլինենք նման հանդիպման անցկացմանը»,- ասաց փոխարտգործնախարարը։
Անդրադառնալով Ստամբուլի Դոլմաբահչե պալատում տեղի ունեցած Փաշինյան- Էրդողան հանդիպմանը, Կոստանյանի նշեց, որ այն դրական մթնոլորտում է անցել։
Արտաքին գերատեսչության ներկայացուցիչը պնդեց, որ Էրդողանը Թուրքիայում Փաշինյանի առջև չի դրել ադրբեջանցիների վերադարձի հարցը։
Հիշեցնենք, որ հունիսի 20-ին տեղի ունեցած Փաշինյան- Էրդողան հանդիպման ավարտին որևէ փաստաթուղթ չստորագրվեց, չկա նաև տեղեկություն առարկայական պայմանավորվածությունների մասին։ Վարչապետը հայտարարել էր, որ չափազանցված սպասելիքներ չպետք է ունենալ իր այցից։
Մանրամասները՝ տեսանյութում։
Մանյա Պողոսյան
