Ուկրաինայի ԶՈՒ-ն կանգնեցրել է Ռուսաստանի հարձակումը Սումիի մարզում․ Սիրսկի

Ուկրաինայի զինուժը  կանգնեցրել է ռուսական զորքերի առաջխաղացումը Սումիի մարզում։ Այս մասին  հայտարարել է Ուկրաինայի ԶՈՒ գլխավոր հրամանատար Ալեքսանդր Սիրսկին, գրում է BBC-ի ռուսական ծառայությունը։

«Ռուսական զորքերի հարձակումը Սումիի մարզի սահմանային շրջաններում կանգնեցվել է, և մարտական ​​գիծը կայունացել է», – ասել է  Ալեքսանդր Սիրսկին ռազմաճակատ մեկնելուց հետո։

«Սումիի շրջանի պաշտպանությունն այսօրվա հիմնական խնդիրներից մեկն է։ Մայիս-հունիս ամիսների արդյունքների հիման վրա կարող ենք ասել, որ Ռուսաստանի Դաշնության տարածքից թշնամու կողմից «ամառային հարձակման» փորձերի ներկայիս ալիքը խեղդող է նույն կերպ, ինչպես անցյալ տարի՝ Խարկովի շրջանում թշնամու հարձակողական գործողությունների փորձը», – գրել է Սիրսկին  տելեգրամի ալիքում՝ հավելելով․

«Որոշակի շրջաններում մեր ստորաբաժանումները հաջողությամբ կիրառում են ակտիվ պաշտպանության մարտավարություն և ազատագրում ուկրաինական հողերը Սումիի մարզի սահմանային գոտում»։

Սիրսկին նաև հայտարարել է, որ Կուրսկի մարզի Գլուշկովսկի շրջանում Ուկրաինայի զինված ուժերի հարձակողական գործողությունները ստիպել են Ռուսաստանին իր զորքերի մի մասը տեղափոխել իր տարածքը պաշտպանելու համար, ինչը զգալիորեն կրճատել է Սումիի ուղղությամբ ռուսական զորքերի հիմնական խմբի հարձակողական հնարավորությունները։

Օրերս էլ Ուկրաինայի Պետական ​​սահմանային ծառայությունը հայտնել էր, որ գրանցել է ռուսական կողմի  ակտիվության նվազում Սումիի մարզում, բացառությամ՝բ Յունակովսկա և Խոտին համայնքների տարածքների։

Թարգմանությունը՝ Էմմա Չոբանյանի