07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Կառավարությունն առաջարկում է հուլիսի 1-ին գումարել Ազգային ժողովի արտահերթ նստաշրջան
Քաղաքականություն
26.06.2025 | 13:06
Հայաստանի կառավարությունն առաջարկել է Ազգային ժողովին հուլիսի 1-ին գումարել արտահերթ նստաշրջան՝ կառավարության նախաձեռնությամբ սահմանված օրակարգով։
Որոշման նախագիծը հիմնավորվում է մի շարք հրատապ և չքննարկված օրինագծերի և համաձայնագրերի անհրաժեշտ քննարկմամբ։
Կառավարությունը հիշեցնում է, որ Սահմանադրության 99-րդ հոդվածի և «Ազգային ժողովի կանոնակարգ» սահմանադրական օրենքի 35-րդ հոդվածի համաձայն՝ Ազգային ժողովի հերթական նստաշրջանները գումարվում են տարեկան երկու անգամ՝ հունվարից մինչև հունիս և սեպտեմբերից մինչև դեկտեմբեր։ Տվյալ տարվա գարնանային նստաշրջանը ավարտվել է հունիսի 19-ին՝ հերթական նիստերի վերջին օրը լինելով հունիսի 17-ը։
Հենց հունիսի 17-ի օրակարգում ընդգրկված մի շարք օրենսդրական նախաձեռնություններ համարվել էին անհետաձգելի, որոնց երկրորդ ընթերցումը նախատեսվում էր անցկացնել առաջին ընթերցումից հետո 24 ժամվա ընթացքում։ Սակայն նստաշրջանի ավարտի պատճառով այդ նախաձեռնությունները չեն հասցվել քննարկվել։
Արտահերթ նստաշրջանի օրակարգում ընդգրկվելու են ինչպես հունիսի 17-ի նիստում չքննարկված նախագծերը, այնպես էլ նոր, հրատապության կարգով ներկայացված օրինագծեր և միջազգային համաձայնագրեր, որոնց քննարկումը ևս նախատեսվում է իրականացնել երկու ընթերցմամբ։
