Փաշինյանը՝ ենթադրյալ հեղաշրջման փորձի կանխման մասին․ ՏԵՍԱՆՅՈՒԹ

«Էներգետիկայի ոլորտում գիտեք, որ ունենք խնդիրներ, այդ թվում՝ էլեկտրաէներգիայի մատակարարման որակի հետ կապված»,- այս մասին Կառավարության նիստում ասաց վարչապետ Նիկոլ Փաշինյանը և վեջին թարմ օրինակը բերեց։

«Երեկ մասնակցում էի «Հոմպլեքս» հիպերմոլի բացմանը, և արարողության ժամանակ հիպերմոլը հոսանքազրկվեց։ Պատկերացնո՞ւմ եք՝ մարդիկ 70 մլն դոլարի ներդրում են կատարել, ինձ այդպես ասացին, և չեն կարողանում նորմալ բացման արարողություն անել»,- ասաց վարչապետը։

Ըստ Փաշինյանի՝ այս հարցում երկու տարբերակ է քննարկվում. մի տարբերակն այն է, որ հատուկ սաբոտաժ է արվել, իսկ մյուսը՝ համակարգը տեխնիկապես ի վիճակի չէ աշխատել։

«Երկու դեպքերում էլ իրենք բոլոր գծերն անցել են, և այն, ինչ ասել եմ առաջիկայում, պետք է անցնենք դրա կատարմանը։ Իհարկե, պրոցեսը չի լինելու մեկ փուլով, բայց ակնհայտ է, որ պետությունը շատ արագ պետք է վերցնի Հայաստանի էլեկտրական ցանցերի կառավարումը և հետագա գործընթացները՝ պետականացման և ընկերության կառավարման արդյունավետության ուղղությամբ, պետք է արագ և ադյունավետ իրականացնենք»,-նշեց նա։

Գործադիրի ղեկավարի խոսքով՝ հարցը քննարկել են ՔՊ վարչության նիստում նաև ԱԺ ՔՊ խմբակցությունն է քննարկումներ արել, այդ թվում՝ կառավարության գործընկերների հետ: «Համատեղ աշխատանքով նաև օրենքի նախագիծ է արդեն մշակվել և այսօրվա օրակարգում ընդգրկված է: Արտահերթ նիստով համապատասխան օրենսդրական փոփոխությունները կիրականացվեն, և շատ արագ, առաջին անհրաժեշտ գործողությունը տեղի կունենա, այսինքն՝ պետությունը, կառավարությունը կստանձնի ՀԷՑ-ի կառավարումը: Այդ կետից սկսած՝ մենք ավելի հանգիստ պայմաններում հետագա սցենարները կքննարկենք, թե ինչ սցենարով ենք գնում։ Մենք մի X պահի պետք է ապահովենք ՀԷՑ-ի բաժնետոմսերի բաժանորդագրության հնարավորությունը: «Ընդ որում, նաև մեր այս ընթացքի փորձը հաշվի առնելով, պետք է այնպիսի երաշխիքներ ստանանք, որ Հայաստանի քաղաքացիները ոչ թե կամ առնվազն ոչ միայն ընկերությունները, ոչ միայն կոորպորացիաները, այլև քաղաքացիները իրենք իրենց խնայողությունները հնարավորություն ունենան ներդնել»,- նշեց նա:

Նիկոլ Փաշինյանը նաև հայտնեց, որ նման ռազմավարական նպատակ ունեն նաև «Զանգեզուրի պղնձամոլիբդենային կոմբինատի» պարագայում։
Հիշեցնենք, որ երկու օր առաջ Փաշինյանը ֆեյսբուքի էջում գրել էր, որ ՀԷՑ-ի պետականացման պլանը պատրաստ է։

Մանրամասները՝ տեսանյութում։

Մանյա Պողոսյան