13.01.2026 | 13:35
Ռուսական Տագանրոգում հարձակման է ենթարկվել ԱԹՍ-ների համար բաղադրիչներ արտադրող գործարանը
Coffee House-ի` Հյուսիսային պողոտայի վաճառակետն ապամոնտաժվել է
26.06.2025 | 10:45
Ապամանոտաժվել է Հյուսիսային պողոտայում գտնվող Coffee House-ի վաճառակետը։ Այս մասին Factor.am-ին հայտնի դարձավ Երևանի քաղաքապետ Տիգրան Ավինյանի որոշումից։
Նշվում է, որ Կենտրոն վարչական շրջանի Հյուսիսային պողոտա 2 հասցեում գտվող, Երևան համայնքին պատկանող հողամասում «ինքնակամ կառուցվել է խորտկարան, որով ծանրաբեռնվել է համայնքային սեփականություն հանդիսացող հողամասը»:
Հիշեցնենք` այս ընկերությունը, ըստ ՔԿ-ի չի կատարել 450 մլն դրամի հարկային պարտավորություն։
Ավելի վաղ Factor TV-ին հայտնել էր, որ գործի շրջանակում մեղադրանք է առաջադրվել «Coffee House» ընկերության սեփականատերեր Նարեկ Քեյանին ու Հարություն Մկրտչյանին։ Առաջադրված հոդվածը վերաբերում է խոշոր չափի հարկեր չվճարելուն, ինչը պատժվում է մինչև 8 տարի ժամկետով ազատազրկմամբ։
«Coffee House» ընկերության տնօրեն և 50 տոկոս բաժնեմասի սեփականատեր Հարություն Մկրտչյանը Factor TV-ի հետ զրույցում հարկային պարտավորությունները չկատարելու հանգամանքն ուղիղ չէր հաստատել։ Միաժամանակ, սակայն, նշել էր, որ պետբյուջե 125 մլն դրամ են վճարել։
Նարեկ Կիրակոսյան
