13.01.2026 | 14:19
Ամանորի տոների ընթացքում ռուսական Նովոկուզնեցկի ծննդատանն 9 նորածին է մահացել
Պահեստազորի գնդապետ Միհրան Մախսուդյանը կալանավորվեց երկու ամսով
Քաղաքականություն
26.06.2025 | 01:17
Պահեստազորի գնդապետ Միհրան Մախսուդյանը նույնպես կալանավորվեց երկու ամսով։ Այս մասին տեղեկացնում է «Սրբազան պայքար» շարժումը։
Ավելի վաղ տեղեկացրել էինք, որ Արցախի Հանրապետության ԱԺ պատգամավոր Դավիթ Գալստյանը, Բագրատ արքեպիսկոպոս Գալստանյանի օգնական Մովսես Շարբաթյանը, Արմեն Ալեքսանյանը երկու ամսով կալանավորվել են։
ՔԿ-ն դատարան է ներկայացրել ձերբակալված 16 անձանց մասով կալանքը որպես խափանման միջոց կիրառելու միջնորդությունները։
Հիշեցնենք՝ այսօր վաղ առավոտից խուզարկություններ են սկսվել «Սրբազան պայքարի» ղեկավար Բագրատ Գալստանյանի և նրա համակիրների բնակարաններում։ Արդեն կեսօրին իր կեցավայրից բերման էր ենթարկվել Գալստանյանը, ավելի ուշ հայտնի դարձավ, որ նրան մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու հոդվածներով։
Ըստ ՔԿ հաղորդագրության՝ «Սրբազան պայքար» անվանումը կրող շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու դեպքերի առթիվ նախաձեռնված քրեական վարույթի շրջանակներում իրականացվել են ավելի քան 9 տասնյակ խուզարկություններ։ Արդյունքում հայտնաբերվել են նշված հանցագործություններին առնչվող, նախաքննությամբ ձեռք բերված տվյալները հաստատող առարկաներ և փաստաթղթեր:
