27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ձերբակալված բոլոր 16 անձանց մասով կալանքի միջնորդություն է ներկայացվել
Քաղաքականություն
25.06.2025 | 20:26
Ձերբակալված բոլոր 16 անձանց մասով կալանքը որպես խափանման միջոց կիրառելու միջնորդություններ են ներկայացվել դատարան։ Այս մասին Factor TV-ի հետ զրույցում ասաց Քննչական կոմիտեի մամուլի քարտուղար Կիմա Ավդալյանը։
Ավելի վաղ հայտնի էր դարձել, որ «Սրբազան շարժման» առաջնորդ Բագրատ Գալստանյանի կալանքի միջնորդությունը մակագրվել է դատավոր Մասիս Մելքոնյանին: Նիստը կայանալու է այսօր՝ ժամը 22:00-ին։
«Սրբազան շարժման» տելեգրամյան ալիքը հրապարակել է նաև ձերբակալված անձանցից 12-ի անունները.
«Այս պահին ձերբակալված անձինք են Բագրատ Գալաստանյանը, Կարո Օկումուշյանը, Տիգրան Թոփալյանը, Տիգրան Գալստյանը, Դավիթ Գալստյանը, Միհրան Մախսուդյանը, Հրայր սարկավագ Հակոբյան, Աղասի Արշակյանը, Իգոր Սարգսյանը, Արա Ռոստոմյանը, Արմեն Ալեքսանյանը, Մովսես Շարբաթյանը»։
Հիշեցնենք՝ այսօր վաղ առավոտից խուզարկություններ են սկսվել «Սրբազան պայքարի» ղեկավար Բագրատ Գալստանյանի և նրա համակիրների բնակարաններում։ Արդեն կեսօրին իր կեցավայրից բերման էր ենթարկվել Գալստանյանը, ավելի ուշ հայտնի դարձավ, որ նրան մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու հոդվածներով։
Ռոզա Վարդանյան
