07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Զելենսկին լավ տղա է․ Թրամփ
Քաղաքականություն
25.06.2025 | 16:44
Հաագայում ՆԱՏՕ-ի գագաթնաժողովի մեկնարկից առաջ լրագրողները ԱՄՆ Դոնալդ Թրամփին հարցրել են Ուկրաինայի նախագահ Վլադիմիր Զելենսկիի հետ նրա առաջիկա հանդիպման մասին, փոխանցում է BBC-ի ռուսական ծառայությունը։
«Իհարկե, մենք կքննարկենք նրա դժվարությունները։ Նրա որոշ դժվարություններ։ Զելենսկին լավ տղա է», – ասել է Թրամփը`hավելելով․
«Կտեսնենք։ Ես շատ եմ խոսել Պուտինի հետ, և նա, անկեղծ ասած, շատ սիրալիր է եղել։ Նա առաջարկել է օգնել Իրանի հարցում։ Ես ասացի՝ ո՛չ, ինձ օգնություն պետք չէ Իրանի հարցում, ինձ օգնություն է պետք Ռուսաստանի հարցում։ Մեզ ծառայություն մատուցիր, օգնիր մեզ Ռուսաստանի հարցում, ոչ թե Իրանի։ Բայց նա շատ սիրալիր էր»։
Այնուհետև Թրամփը արագ վերադարձել է լրագրողների հետ Իրանի վերաբերյալ քննարկմանը և այլևս չի անդրադարձել Ուկրաինայի պատերազմին։
Հիշեցնենք, որ վերջին անգամ Զելենսկին և Թրամփը հանդիպել են ապրիլին՝ Հռոմի պապ Ֆրանցիսկոսի հուղարկավորության արարողության ժամանակ։
Թարգմանությունը՝ Էմմա Չոբանյանի
