08.09.2026 | 09:49
ՀՀ տարածքում ավտոճանապարհներն անցանելի են
Պեսկովը հերքում է պնդումները, որ ՌԴ-ն պատշաճ կերպով չի աջակցել Իրանին
Քաղաքականություն
24.06.2025 | 15:15
Կրեմլը հերքել է պնդումներն այն մասին, որ Ռուսաստանը պատշաճ կերպով չի աջակցել Իրանին, և նշել, որ նման հայտարարությունների նպատակը Մոսկվայի և Թեհրանի միջև հարաբերությունները փչացնելն է, գրում է Ինտերֆաքսը։
«Այժմ շատերը կան, որոնք ցանկանում են յուղ լցնել կրակի վրա՝ Մոսկվայի և Թեհրանի միջև գործընկերությունը փչացնելու համար», – ասել է Ռուսաստանի նախագահի մամուլի քարտուղար Դմիտրի Պեսկովը՝ հավելելով․
«Ռուսաստանն իսկապես աջակցություն է ցուցաբերել Իրանին իր հստակ դիրքորոշմամբ։ Եվ, իհարկե, մենք մտադիր ենք ավելի զարգացնել մեր հարաբերությունները Իրանի հետ»։
Անդրադառնալով Իրանի տարածքին իսրայելական և ամերիկյան հարվածների վերաբերյալ Մոսկվայի դիրքորոշման վերաբերյալ տարբեր քննարկումներին և Սիրիայի նախկին նախագահ Բաշար ալ-Ասադի իշխանության տապալման հետ զուգահեռներին՝ Կրեմլի խոսնակը նշել է.
«Այս քննարկումները, այո’, իհարկե, եղել են և կլինեն, դրանք անխուսափելի են»։
Հիշեցնենք, որ օրերս էլ Իրանի ու Իսրայելի միջև ռազմական գործողությունների ընթացքում Պեսկովը հայտարարել էր, որ Թեհրանը ռազմական օգնություն չի խնդրել Մոսկվայից, սակայն ՌԴ աջակցությունn ակնհայտ է։
Հավելենք, որ ԱՄՆ նախագահ Դոնալդ Թրամփն հայտնել է Իրանի ու Իսրայելի միջև հրադադարի հաստատման մասին։
Թարգմանությունը՝ Էմմա Չոբանյանի
