12.03.2026 | 10:38
Հրդեհ Քարինջ գյուղում
Իրանը ռազմական օգնություն չի խնդրել Ռուսաստանից․Պեսկով
Քաղաքականություն
19.06.2025 | 15:51
Իրանը Ռուսաստանից ռազմական օգնություն չի խնդրել, սակայն Մոսկվայի աջակցությունը Թեհրանին ակնհայտ է։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը Պետերբուրգի միջազգային տնտեսական ֆորումի շրջանակներում, գրում է Ռիա Նովոստին։
«Պուտինը նշել է, որ ռազմական առումով, նախ, Իրանը մեզանից օգնություն չի խնդրել։ Երկրորդ, նույնիսկ Իրանի հետ մեր ունեցած համաձայնագրի համատեքստում նման իրավիճակներում ռազմական փոխօգնության մասին դրույթ չկա։ Բայց, ընդհանուր առմամբ, մեր աջակցությունն ակնհայտ է»,- ասել է Պեսկովը։
ՌԲԿ-ի հետ զրույցում նա նաև նշել է, որ Ռուսաստանը և Իսրայելը համաձայնության են եկել Իրանի Բուշերի ատոմակայանում աշխատող մասնագետների անվտանգության վերաբերյալ։
«Հենց երեկ Պուտինը նշել է, որ Իսրայելի հետ կա փոխըմբռնում, որ Բուշերում աշխատող մասնագետներն անվտանգ կլինեն», – ասել է Կրեմլի ներկայացուցիչը։
Պեսկովը հավելել է որ Ռուսաստանը, չնայած իրանա-իսրայելական հակամարտությանը, պահպանում է գործընկերային հարաբերություններ Իրանի և վստահելի հարաբերություններ Իսրայելի հետ։ Միևնույն ժամանակ, կան չլուծված խնդիրներ և միջնորդության կարիք։
Իրանի Բուշերի ատոմակայանին հարվածն էլ կարող է հանգեցնել Չեռնոբիլի նման աղետի։ Այս մասին հայտարարել է «Ռոսատոմ»-ի գլխավոր տնօրեն Ալեքսեյ Լիխաչովը։
Նրա խոսքով՝ որոշ ռուս մասնագետներ արդեն տարհանվել են ատոմակայանից։
«Մենք պատրաստ ենք ցանկացած սցենարի, այդ թվում՝ մեր բոլոր աշխատակիցների արագ տարհանմանը», – ասել է նա լրագրողներին։ Լիխաչովը նշել է՝ «Ռոսատոմը» կոչ է արել Իսրայելի իշխանություններին ապահովել, որ Բուշերին հարվածելու մասին նույնիսկ ակնարկ չլինի։
Թարգմանությունը՝ Էմմա Չոբանյանի
