23.05.2026 | 18:38
Բասկետբոլի Հայաստանի Մ-18 հավաքականի խաղացող Ռաֆայել Մասումյանը կարիերան կշարունակի NCAA Division I-ում
Ապաշրջափակումը կչեզոքացնի էներգետիկ ռիսկերի 40 տոկոսը․ Մհեր Գրիգորյան․ ՏԵՍԱՆՅՈՒԹ
Քաղաքականություն
24.06.2025 | 14:10
Դատական համակարգը հագեցած է պրոցեսներով, որոնք արդարադատության իրականացման հետ կապ չունեն, այս մասին Հայաստան-Եվրոպական Միություն քաղաքացիական հասարակության պլատֆորմի 2024 թ. հաշվետվության ժամանակ ասաց ՀՀ փոխվարչապետ Մհեր Գրիգորյանը՝ նշելով, որ խնդիրները կուտակվել են տարիների ընթաքցում և հիմա փորձ է արվում մաքրել համակարգը։
Փոխվարչապետի խոսքով՝ պետք է ամեն ինչ անել, որ ՀՀ-ում արբիտրաժն իրականում աշխատի.
«Սա ինձ աբսուրդային է թվում, իրավաբանների համար՝ կիասաաբսուրդային, բայց ես կարծում եմ, որ դատական համակարգից պետք է հանենք այս գործառույթը։ Նույնիսկ եթե կողմերը հաշտվում են, դրա համար պետք է մեծ պրոցեդուրաներով անցնեն, ինչն արհեստական ծանրաբեռնում է համակարգը, որն էլ բերում է մնացած խնդիրներին»,- շեշտեց Գրիգորյանը։
Քննարկման ընթացքում Մհեր Գրիգորյանին հարց ուղղվեց նաև էներգետիկ անվտանգության վերաբերյալ, թե ինչ պետք է անել, որ մեկ շուկայից կախվածությունը նվազի։
Մհեր Գրիգորյանը պատասխանեց, որ այս հարցում կարևոր է ապաշրջափակման իրագործումը։ Ըստ փոխվարչապետի՝ ապաշրջափակումը կչեզոքացնի էներգետիկ ռիսկերի 40 տոկոսը։
«Եթե խոսում ենք էներգետիկ ռիսկերից, ապա պետք է ուշադրության կենտրոնում պահել ապաշրջափակման թեման, քանի որ դա առաջին և կարևոր քայլն է, որը չեզոքացնում է այդ ռիսկերի 40 տոկոսը։ «Խաղաղության խաչմերուկը» հասարակությունն ընկալում է որպես ճանապարհների ապաշրջափակում, բայց ավելի խորը բովանդակություն ունի։ «Խաղաղության խաչմերուկը» ոչ թե ճանապարհներ բացել-փակելու մասին է, այլ՝ ռեգիոնալ ինտեգրացիայի։ Դա նշանակում է, որ այն չեզոքացնում է ռիսկերը և տալիս է անվտանգային երաշխիքներ, այդ թվում նաև էներգետիկ ոլորտում»,- հավելեց պաշտոնյան։
Մանրամասները՝ տեսանյութում։
Մանյա Պողոսյան
