07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
NBC News․ ԱՄՆ-ը պատրաստվում է Իրանի հնարավոր պատասխան հարվածին առաջիկա 48 ժամում
Քաղաքականություն
22.06.2025 | 11:37
ԱՄՆ նախագահ Դոնալդ Թրամփի վարչակազմը պատրաստվում է Իրանի կողմից հնարավոր վրեժխնդրության, և առաջիկա 48 ժամը հատկապես մտահոգիչ է, հայտնել են NBC News-ին Պենտագոնի երկու աղբյուր և Սպիտակ տան բարձր պաշտոնյա։
ԶԼՄ-ի աղբյուրները նշել են, որ դեռ պարզ չէ՝ արդյոք Իրանի պատասխանը ԱՄՆ-ի կողմից իրանական միջուկային օբյեկտների ռմբակոծմանը կուղղվի Միացյալ Նահանգների արտաքին, ներքին օբյեկտների վրա, թե երկուսին էլ միաժամանակ։
ԱՄՆ-ի արտասահմանյան ռազմական բազաները վերջին մի քանի ամիսներին գտնվում են առավելագույն մարտական պատրաստվածության վիճակում, սակայն, ըստ Սպիտակ տան աղբյուրների, հարձակումների հավանականության վերաբերյալ մտահոգությունը զգալիորեն աճել է այն բանից հետո, երբ հունիսի 13-ին Իսրայելը պատերազմ է սկսել Իրանի հետ։
Հիշեցնենք՝ ԱՄՆ նախագահ Դոնալդ Թրամփը ավելի վաղ հայտարարել է, որ ամերիկյան ավիացիան հարվածներ է հասցրել Իրանում գտնվող երեք միջուկային օբյեկտներին՝ Ֆորդոյում, Նաթանզում և Սպահանում։
Ամերիկայի նախագահը նաև ուղերձով է հանդես եկել։ Իր ելույթում, որը տևել է երեք րոպե, Թրամփն ասել է, որ Իրանի ապագան կամ խաղաղություն է, կամ ողբերգություն, և կան բազմաթիվ այլ թիրախներ, որոնք կարող են խոցվել ամերիկացի զինվորականների կողմից: Նա հայտարարել է, որ եթե խաղաղության գործընթացն արագ տեղի չունենա, ապա ԱՄՆ-ն այլ նպատակներ է հետապնդելու՝ ճշգրտությամբ, արագությամբ և հմտությամբ:
