04.04.2026 | 16:14
Transfermarkt-ը ներկայացրել է ամենաթանկ դարպասապահների տասնյակը
Իրանն Իսրայելի ուղղությամբ արձակել է հրթիռային հարվածների մի քանի ալիք
Քաղաքականություն
22.06.2025 | 11:27
Իրանն առավոտյան՝ կիրակի, հունիսի 22-ին, կրկին հարվածել է Իսրայելին բալիստիկ հրթիռներով։ Իսրայելի հյուսիսային և կենտրոնական հատվածներում հնչել են օդային տագնապի ազդանշաններ, բնակչությանը հանձնարարել են թաքնվել ապաստարաններում։
Իրանի հարձակումը շարունակվել է մի քանի ալիքով։ Իսրայելի Պաշտպանության բանակի (ՑԱՀԱԼ) գնահատմամբ՝ Իրանից ընդհանուր առմամբ արձակվել է 20-ից 30 բալիստիկ հրթիռ։
Իսրայելի ազգային շտապօգնության ծառայության՝ «Մագեն Դավիդ Ադոմ»-ի տվյալներով՝ փրկարարները գրանցել են հրթիռների և բեկորների հարվածների դեպքեր երկրի ավելի քան տասը վայրերում, այդ թվում՝ Թել Ավիվի, Նես Ցիոնայի և Հայֆայի բնակելի շրջաններում։ Վիրավորվել է առնվազն 16 մարդ։ Իրանական զինված ուժերը, իրենց հերթին, հայտարարում են, որ հարվածների թիրախներն են եղել Թել Ավիվի Բեն Գուրիոն օդանավակայանը, լոգիստիկ բազաներ, ինչպես նաև գիտական ու ռազմական կենտրոններ։
Հիշեցնենք՝ իրանական նոր հարձակումը տեղի է ունեցել այն բանից հետո, երբ հունիսի 22-ի գիշերը ամերիկյան զինուժը հարվածներ է հասցրել Իրանի միջուկային ծրագրի օբյեկտներին։ ԱՄՆ նախագահ Դոնալդ Թրամփը հայտարարել է, որ այդ հարվածների արդյունքում «լիովին և ամբողջությամբ ոչնչացվել են» Իրանի հիմնական միջուկային օբյեկտները։
