08.08.2026 | 10:54
Գազամատակարարման դադարեցումներ՝ Վանաձոր և Մասիս քաղաքների մի շարք հասցեներում, Կուրթան բնակավայրում
Իրանի ԱԳ նախարարը ԱՄՆ-ին մեղադրել է ՄԱԿ-ի կանոնադրությունը խախտելու համար
Քաղաքականություն
22.06.2025 | 11:13
Իրանի արտաքին գործերի նախարար Աբբաս Արաղչին X-ի իր միկրոբլոգում հայտարարել է, որ ԱՄՆ-ի կողմից իրանական միջուկային օբյեկտների վրա հարձակումը կունենա հեռուն գնացող հետևանքներ, և Իրանը իրավունք է վերապահում պաշտպանել իր շահերը ինքնապաշտպանության միջոցով։
«Ամերիկայի Միացյալ Նահանգները, լինելով ՄԱԿ-ի Անվտանգության խորհրդի մշտական անդամ, լրջորեն խախտել է ՄԱԿ-ի կանոնադրությունը, միջազգային իրավունքը և Միջուկային զենքի չտարածման մասին համաձայնագիրը՝ հարձակվելով Իրանի խաղաղ միջուկային օբյեկտների վրա։
Այսօր առավոտյան տեղի ունեցած իրադարձությունները վրդովեցուցիչ են և կունենան հեռուն գնացող հետևանքներ:
ՄԱԿ-ի համապատասխան կանոնադրության և դրա դրույթների համաձայն, որոնք թույլ են տալիս ինքնապաշտպանության նպատակով օրինական արձագանք, Իրանը վերապահում է իրեն բոլոր հնարավորությունները՝ իր ինքնիշխանությունը, շահերը և ժողովրդին պաշտպանելու համար»,- գրել է Իրանի արտգործնախարարը։
Հիշեցնենք, որ ԱՄՆ-ն հարվածներ է հասցրել Իրանի երեք միջուկային օբյեկտների, այդ թվում՝ ամենախոշոր ուրանի հարստացման գործարանին Ֆորդոյում։
