07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Պակիստանը Թրամփին առաջադրել է Խաղաղության Նոբելյան մրցանակի
Քաղաքականություն
21.06.2025 | 23:33
Պակիստանի կառավարությունը պաշտոնապես առաջարկել է ԱՄՆ նախագահ Դոնալդ Թրամփին որպես Խաղաղության Նոբելյան մրցանակի թեկնածու:
DW-ի ռուսական ծառայության փոխանցմամբ՝ Իսլամաբադում կառավարության հայտարարության մեջ ասվում է, որ Թրամփն արժանի է դառնալ այս մրցանակի դափնեկիր՝ շնորհիվ Հնդկաստանի և Պակիստանի միջև վերջին ճգնաժամի ընթացքում իր «վճռական դիվանագիտական միջամտության և առանցքային առաջնորդության»:
Երկու երկրները մայիսին հայտնվել էին պատերազմի եզրին, երբ Հնդկաստանը Պակիստանին մեղադրեց վիճելի Քաշմիր շրջանում տեղի ունեցած ահաբեկչությանը մասնակցության մեջ, որի հետևանքով մի քանի տասնյակ զբոսաշրջիկներ սպանվեցին:
Թրամփի միջամտությունը, ինչպես ասվում է Պակիստանի իշխանությունների հայտարարության մեջ, կանխել է երկու միջուկային տերությունների միջև մասշտաբային հակամարտությունը, որն աղետալի հետևանքներ կունենար: Օդային և հրթիռային հարվածների փոխանակումից հետո Հնդկաստանը և Պակիստանը մայիսի 10-ին պայմանավորվել են հրադադարի մասին: ԱՄՆ-ը բանակցություններ է վարել հակամարտության երկու կողմերի հետ։ Միևնույն ժամանակ, Հնդկաստանի իշխանությունները հերքում են, որ Թրամփի ջանքերը լուրջ դեր են խաղացել խաղաղ կարգավորման գործում: Reuters գործակալության տեղեկություններով ՝ օրերս Պակիստանի բանակի հրամանատար Ասիմ Մունիրին Սպիտակ տանը ընդունել է Թրամփը:
