12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
ՄԱԳԱՏԷ-ն հաստատել է Սպահանում միջուկային օբյեկտին իսրայելական հարվածի փաստը
Քաղաքականություն
21.06.2025 | 20:13
ՄԱԳԱՏԷ-ի գլխավոր տնօրեն Ռաֆայել Գրոսին հայտնել է, որ իսրայելական հարվածը հասցվել է արտադրամասին, որտեղ արտադրվում են ուրանի հարստացման ցենտրիֆուգներ:
Ավելի վաղ երկու կողմերն էլ հաստատել էին Սպահանում միջուկային օբյեկտին հարվածելու փաստը։
«Մենք լավ գիտենք այդ օբյեկտը։ Դրա վրա միջուկային նյութեր չեն եղել, ուստի հարվածը ռադիոլոգիական հետևանքներ չի ունենա», – հայտարարել է Գրոսին։
Ավելի վաղ Իրանի առողջապահության նախարարությունը հայտնել էր, որ պատերազմի սկզբից ի վեր ավելի քան 400 մարդ է զոհվել, մեծ մասը՝ խաղաղ բնակիչներ։
Հիշեցնենք՝ Իսրայելը հունիսի 13-ի վաղ առավոտից հարվածներ էր հասցրել Իրանի տարածքին՝ թիրախավորելով Իրանի ռազմական և միջուկային օբյեկտները։ Ավելի ուշ Իրանը պատասխանել էր՝ Իսրայելի ուղղությամբ հրթիռային հարվածների ալիքներ հասցնելով։ Կողմերն այս պահին էլ շարունակում են փոխադարձ հարվածներ հասցնել միմյանց։
