06.10.2026 | 18:13
Վարդան Ղուկասյանն անմեղ ճանաչվեց խուլիգանության գործով // ՔՊ-ն եկեղեցու հարցով հանձնաժողով ստեղծեց․ ԼՈՒՐԵՐ
Իրանի առողջապահության նախարարությունը հայտնել է, որ պատերազմի սկզբից ի վեր ավելի քան 400 մարդ է զոհվել, մեծ մասը՝ խաղաղ բնակիչներ
Քաղաքականություն
21.06.2025 | 19:50
Իրանի առողջապահության նախարարության խոսնակ Հոսեյն Քերմանփուրը X-ում գրել է, որ հունիսի 13-ից ի վեր, երբ սկսվեց հակամարտությունը Իսրայելի հետ, ավելի քան 400 մարդ է զոհվել:
Քերմանփուրը նաև հայտնել է, որ վիրավորվել է 3056 մարդ։
Մինչ այդ իրանական իշխանությունները հրապարակել էին հունիսի 15-ի զոհերի մասին տվյալները, այն ժամանակ դրանք կազմում էին 224 զոհ և ավելի քան 1200 վիրավոր: Քերմանփուրը պնդում է, որ սպանվածների և վիրավորների մեծ մասը խաղաղ բնակիչներ են:
Հիշեցնենք՝ Իսրայելը հունիսի 13-ի վաղ առավոտից հարվածներ էր հասցրել Իրանի տարածքին՝ թիրախավորելով Իրանի ռազմական և միջուկային օբյեկտները։ Ավելի ուշ Իրանը պատասխանել էր՝ Իսրայելի ուղղությամբ հրթիռային հարվածների ալիքներ հասցնելով։ Կողմերն այս պահին էլ շարունակում են փոխադարձ հարվածներ հասցնել միմյանց։
