07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Մակրոնը և Իրանի նախագահը հեռախոսազրույց են ունեցել
Քաղաքականություն
21.06.2025 | 17:29
Ֆրանսիայի նախագահ Էմանուել Մակրոնը հայտնել է, որ հեռախոսազրույց է ունեցել իր իրանցի գործընկեր Մասուդ Փեզեշքիանի հետ:
«Իրանի նախագահը զանգահարեց ինձ։ Ես կրկնեցի իմ հաստատուն պահանջը՝ Սեսիլ Կոլերը և Ժակ Փարին պետք է ազատ արձակվեն։ Նրանց անմարդկային կալանավորումն անարդար է։ Ես ակնկալում եմ, որ նրանք կվերադառնան Ֆրանսիա»,— գրել է Մակրոնը X-ի իր միկրոբլոգում։
40-ամյա Սեսիլ Կոլերը և 70-ամյա Ժակ Փարին 2022 թվականին մեկնել են Իրան՝ որպես զբոսաշրջիկներ, նրանց ձերբակալել են։
«Ես նաև իմ խոր մտահոգությունն եմ հայտնել Իրանի միջուկային ծրագրի վերաբերյալ: Եվ այստեղ իմ դիրքորոշումը պարզ է՝ Իրանը երբեք չպետք է միջուկային զենք ստանա, և Իրանը պետք է լիարժեք երաշխիքներ տա, որ իր մտադրությունները խաղաղ են:
Ես համոզված եմ, որ գոյություն ունի պատերազմը դադարեցնելու և ավելի մեծ վտանգներից խուսափելու ճանապարհ: Դրան հասնելու համար մենք կարագացնենք բանակցությունները, որոնք վարում են Ֆրանսիան և եվրոպացի գործընկերները Իրանի հետ»,- եզրափակել է Մակրոնը։
