Պոլսի Հայոց պատրիարքարանի որևէ ներկայացուցիչ չի մասնակցել Փաշինյանի հետ հանդիպմանը

Լուրեր

22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
Բոլորը

ՀՀ վարչապետ Նիկոլ Փաշինյանը Ստամբուլում հանդիպել է հայ համայնքի և հայկական մամուլի ներկայացուցիչների հետ՝  Թուրքիայի նախագահ Ռեջեփ Էրդողանի հետ կայանալիք հանդիպումից առաջ։

AGOS-ի փոխանցմամբ՝  հանդիպմանը մասնակցել են Թուրքիայի հայ համայնքի հիմնադրամների և հաստատությունների ներկայացուցիչներ, Թուրքիայի կաթոլիկ հայերի հոգևոր առաջնորդ գերպայծառ Կազանջյանը, Հայ բողոքական եկեղեցու հոգևոր հովիվ Կիրկոր Աղաբալօղլուն, Հայկական հիմնադրամների միության նախագահ Պետրոս Շիրինօղլուն, իշխող Արդարություն ու զարգացում կուսակցության Ստամբուլի պատգամավոր Սևան Սիվաջըօղլուն և Ստամբուլի հայկական մամուլի ներկայացուցիչներ։ Հանդիպմանը ներկա էր նաև Ռաքել Դինքը։

Հանդիպմանը ներկա էին նաև ՀՀ արտաքին գործերի նախարար Արարատ Միրզոյանը, Թուրքիա-Հայաստան հարաբերությունների կարգավորման գործընթացի ներկայացուցիչ Ռուբեն Ռուբինյանը, ՀՀ արտաքին գործերի փոխնախարար Վահան Կոստանյանը և Ստամբուլում Սևծովյան տնտեսական համագործակցության կազմակերպությունում ՀՀ մշտական ​​ներկայացուցիչ Նաիրի Պետրոսյանը։

Հանդիպմանը ներկա չի եղել Հայոց պատրիարքարանի ներկայացուցիչ։

Նշվում է, որ հանդիպումը տևել է երկու ժամ։

Փաշինյանն իր ելույթում ընդգծել է, որ թե՛ այցը, թե՛ նախագահ Էրդողանի հետ հանդիպումը շատ կարևոր են։ Նա  անդրադարձել է  երկու երկրների միջև ուղիղ երկկողմ բանակցությունների կարևորությանը և հիշեցրել, որ կարգավորման գործընթացից առաջ և սկզբում բանակցություններ են անցկացվել երրորդ երկրների միջոցով։

Փաշինյանն ասել է, որ իրենք լավ հնարավորություն ունեն գործընթացը առաջ մղելու համար։ ՀՀ վարչապետը նաև նշել է, որ կարևոր է նման հանդիպում անցկացնել միջազգային զարգացումների լույսի ներքո և ասել, որ այս շրջանակներում կա նոր հարաբերություններ զարգացնելու հնարավորություն։

Վարչապետը նշել է, որ չպետք է չափազանցված սպասելիքներ ունենալ գործընթացի վերաբերյալ։  «Երեք տարի առաջ նույնիսկ նման շփումները համարվում էին չափազանցված սպասելիքներ»,- ընդգծել է նա։

Ըստ Փաշինյանի՝ պետք է ապահովվի շարունակականությունը, նա նաև շնորհակալություն հայտնել Էրդողանին հրավերի համար։

Վարչապետը հիշեցրել է, որ Եվրոպական քաղաքական համայնքի գագաթնաժողովը 2026 թվականին կանցկացվի Հայաստանում և ընդգծել, որ այս գագաթնաժողովի կապակցությամբ Էրդողանին նույնպես կհրավիրի Երևան։

Նա ասել է, որ Թուրքիայի հայ համայնքը նույնպես կարող է դեր ունենալ երկու երկրների միջև հարաբերությունների զարգացման գործում, և այս համատեքստում հիշել է Հրանտ Դինքին և նրա ջանքերը։

Փաշինյանն իր ելույթում հայտարարել է․ «Թուրքիան սպառնալիք չէ Հայաստանի համար, և Հայաստանը սպառնալիք չէ Թուրքիայի համար»։

Պատասխանելով Թուրքիայի ազգայնական շրջանակների կողմից օգտագործվող թշնամական հռետորաբանության մասին հարցին՝ ասել է. «Խաղաղության խաչմերուկը Թուրան ճանապարհի համար խոչընդոտ չէ, ճանապարհն արդեն պատրաստ է, եթե ջրային ուղի լինի, մենք բոլորս կարող ենք միասին խմել այս ջուրը, խոչընդոտներ չկան»։

Երբ նրան հիշեցրել են, որ Թուրքիայի Հայոց պատրիարքարանի որևէ ներկայացուցիչ չի մասնակցել հանդիպմանը, Փաշինյանն ասել է․ «Եթե նրանք ինձ մոտ չգան, ես նրանց մոտ կգնամ»։

Փաշինյանի խոսքերը ծափահարությունների են արժանացել մասնակիցների կողմից։ Լրատվամիջոցը գրում է, քանի որ պատրիարքարանն այսօր զարմանալիորեն փակ է, հոգևորականների հետ կապ հաստատել հնարավոր չէ։

Թարգմանությունը՝ Էմմա Չոբանյանի