21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Մենք պետք է երաշխավորենք, որ մեր Կառավարությունում և Երևանի քաղաքապետարանում գողեր չկան. ՀՀ վարչապետ. ՏԵՍԱՆՅՈՒԹ
Քաղաքականություն
13.10.2018 | 12:51
Որոշում կայացնող սուբյեկտն և ժողովրդի կամարտահայտության ազատությունն այլևս երբեք կասկածի տակ չպետք է դրվեն: Որոշում կայացնողը սուբյեկն ու քաղաքացին են լինելու, և սա մի ավանդույթ է, որը ՀՀ-ում հիմնադրված է անշրջելիորեն:
Այս մասին այսօր Երևանի քաղաքապետ Հայկ Մարությանի երդմնակալության արարողության ժամանակ ասաց ՀՀ վարչապետ Նիկոլ Փաշինյանը:
Վարչապետ Նիկոլ Փաշինյանը նշեց, որ ժողովրդի լիազորությունն ունեցող թիմի ամենակարևոր առաքելությունը մարդկանց չխաբելն է:
«Մենք ամեն պահի կարող ենք սխալվել և սխալվում ենք, բայց շատ կարևոր է մարդկանց չխաբել: Մեր ամենակարևոր առաքելությունը մարդկանց աչքերի մեջ ուղիղ նայելու հնարավորությունը չկորցնելն է, մնացածը տեխնիկական հարցեր են, որոնք կշտկվեն»,-ասաց վարչապետը, ապա հավելեց.
«Մենք պետք է երաշխավորենք, որ մեր Կառավարությունում և Երևանի քաղաքապետարանում գողեր չկան»:
Վարչապետը շեշտեց, որ եթե հանկարծ պարզվի, որ այն, ինչ իրենք պատրաստվում են անել, լինի ընդամենը նեղ շրջանակի նպատակ, դա կլինի աղետ, քանի որ իրենց ցանկությունն է համազգային երազանքն իրականություն դարձնել, ուստի բոլորին հրավիրում է համագործակցության:
Մանրամասները՝ տեսանյութում:
