06.10.2026 | 21:45
Հայկ Սարգսյանը հեռացվել է ՔՊ-ից
Իսրայելի ՊՆ ղեկավարը հրահանգել է բանակին «ապակայունացնել» իրանական ռեժիմը
Քաղաքականություն
20.06.2025 | 23:22
Իսրայելի աշտպանության նախարար Իսրայել Կացը հայտարարել է, որ հրահանգել է երկրի պաշտպանության բանակին «ուժեղացնել Թեհրանում ռեժիմի թիրախների վրա հարվածները»՝ իրանական ռեժիմը «ապակայունացնելու» համար, փոխանցում է The Times of Israel-ը։
«Մենք պետք է հարվածենք ռեժիմի բոլոր խորհրդանիշներին և դրա ճնշման մեխանիզմներին, ինչպիսիք են Բասիջը, ինչպես նաև ռեժիմի իշխանության հիմքին՝ Իսլամական հեղափոխության պահապանների կորպուսին», – ասել է Կացը այսօր առավոտյան Իսրայելի պաշտպանության բանակի շտաբի պետ, գեներալ-լեյտենանտ Էյալ Զամիրի և այլ բարձրաստիճան սպաների հետ հանդիպման ընթացքում։
Նա նշել է, որ որ Իսրայելը պետք է իրականացնի «բնակչության զանգվածային տարհանում Թեհրանից՝ ռեժիմը ապակայունացնելու և Իսրայելի ներքին ճակատում հրթիռային կրակոցներին ի պատասխան զսպման ուժը մեծացնելու համար, միաժամանակ շարունակելով թիրախավորել օբյեկտներն ու գիտնականներին՝ Իրանի միջուկային ծրագիրը խափանելու համար, մինչև լիովին հասնեն գործողության բոլոր նպատակներին»։
Հիշեցնենք, որ նախօրին էլ Կացը հայտարարել էր, որ Իրանի գերագույն առաջնորդ այաթոլլա Ալի Խամենեին «ժամանակակից Հիտլերն» է և «չի կարող շարունակել գոյություն ունենալ»։
Թարգմանությունը՝ Էմմա Չոբանյանի
