Քաղաքականություն
20.06.2025 | 12:30Վարչապետ Նիկոլ Փաշինյանն աշխատանքային այցով ժամանել է Թուրքիա․ տեղեկացնում են ՀՀ վարչապետի աշխատակազմից։
Ստամբուլի միջազգային օդանավակայանում ՀՀ վարչապետին դիմավորել է Թուրքիայի արտաքին գործերի նախարարի տեղակալ Բերրիս Էքինջին։
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Երեկոյան կկայանա վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը։
Ավելի վաղ տեղեկացրել էինք, որ վարչապետի աշխատակազմը հրապարակել է Փաշինյանի հետ Թուրքիա մեկնող պաշտոնյաների ցանկը։ Նրանց թվում Փաշինյանից բացի Արտաքին գործերի նախարար Արարատ Միրզոյանն է, փոխնախարար Վահան Կոստանյանը, հայ-թուրքական հարաբերությունների կարգավորման հարցերով բանագնաց Ռուբեն Ռուբինյանը, վարչապետի մամուլի խոսնակ Նազելի Բաղդասարյանը։
