16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Իրանում 24 մարդ է ձերբակալվել Իսրայելի օգտին լրտեսության մեղադրանքով
Քաղաքականություն
19.06.2025 | 22:59
Իրանի ոստիկանությունը հայտարարել է 24 անձի կալանավորման մասին, որոնք մեղադրվում են Իսրայելի օգտին լրտեսելու և «երկրի հեղինակությունը արատավորելու փորձ կատարելու համար»,գրում է France 24-ը՝ Tasnim լրատվական գործակալությանը հղումով։
«Ձերբակալվել է 24 անձ, որոնք լրտեսում էին սիոնիստական թշնամու օգտին՝ ինչպես առցանց, այնպես էլ ոչ ցանցում, և որոնք փորձում էին խաթարել հասարակական կարծիքը, արատավորել և ոչնչացնել Իրանի Իսլամական Հանրապետության սրբազան համակարգի հեղինակությունը», – ասել է Թեհրանի արևմտյան հատվածի ոստիկանության հրամանատար Քիումարս Ազիզին։
Iran International-ն էլ հայտնում է, որ Իրանի իշխանությունները Յազդ նահանգում ձերբակալել են 8 մարդու՝ Իսրայելին ենթադրաբար աջակցելու համար։ Այս մասին էլ հայտարարել է նահանգի ոստիկանապետը։
Ավելի վաղ Քերմանի ոստիկանության հրամանատարը հայտարարել էր ևս չորս քաղաքացիների՝ մեկ կնոջ և երեք տղամարդու՝ նմանատիպ մեղադրանքներով ձերբակալության մասին։
HRANA մարդու իրավունքների խմբի տվյալներով՝ վերջին վեց օրերի ընթացքում առնվազն 160 իրանցի է ձերբակալվել սոցիալական ցանցերում Իսլամական Հանրապետության վրա Իսրայելի հարվածների վերաբերյալ գրառումների համար։
Թարգմանությունը՝ Էմմա Չոբանյանի
