17.07.2026 | 21:14
Արարատի համայնքի տիրապետմանն է վերադարձվել քաղաքային զբոսայգում գտնվող ևս 1 հողատարածք
Կարմիր Խաչից տեսակցել են Բաքվում ապօրինի պահվող հայ գերիներին
Քաղաքականություն
19.06.2025 | 16:01
Հունիսին Կարմիր Խաչի Միջազգային Կոմիտեի (ԿԽՄԿ) աշխատակիցներն այցելել են Ադրբեջանում ապօրինի պահվող հայերին։ Այս մասին հայտնել է ԿԽՄԿ-ի ադրբեջանական ներկայացուցչության հասարակայնության հետ կապերի բաժնի ղեկավար Իլահա Հուսեյնովան։
Նշվել է, որ «հայերի հետ անհատական հանդիպումներ են անցկացվել, նրանց հնարավորություն է տրվել կապվել իրենց ընտանիքների հետ, և նրանք ծանրոցներ են ստացել իրենց ընտանիքներից»։
«Իր մանդատի համաձայն՝ Կարմիր Խաչի Կոմիտեն գնահատում է ձերբակալվածների նկատմամբ վերաբերմունքը և կալանքի պայմանները նման այցելությունների ընթացքում։ Հաստատությունը նաև պայմաններ է ստեղծում անհատների և նրանց ընտանիքների միջև կապը վերականգնելու կամ պահպանելու համար։ Կարմիր Խաչի Կոմիտեի ընթացակարգերի համաձայն՝ այցելություններին վերաբերող դիտարկումներն ու առաջարկությունները փոխանցվում և քննարկվում են միայն ձերբակալող կողմի հետ», – ընդգծվում է հայտարարության մեջ։
Հիշեցնենք, որ Կարմիր Խաչի Ադրբեջանի գրասենյակն առաջիկայում կդադարեցնի իր գործունեությունը։
Թարգմանությունը՝ Էմմա Չոբանյանի
