Կարմիր Խաչի Ադրբեջանի գրասենյակն առաջիկայում կդադարեցնի իր գործունեությունը

«Միջազգային մարդասիրական իրավունքի նորմերին համապատասխան՝ Ռազմագերիների, անհետ կորած անձանց և պատանդ վերցված քաղաքացիների հարցերով պետական ​​հանձնաժողովը (Պետական ​​հանձնաժողով) գործունեություն է ծավալել Ադրբեջանում Կարմիր խաչի միջազգային կոմիտեի (ԿԽՄԿ) ներկայացուցչության հետ համագործակցության շրջանակներում՝ Հայաստանի կողմից Ադրբեջանի դեմ ռազմական ագրեսիայի հետևանքով գերի վերցված և պատանդ վերցված քաղաքացիների ազատ արձակման, ինչպես նաև անհետ կորած անձանց որոնման ոլորտում»։

Այս մասին ասվում  է Ադրբեջանի ա Ռազմագերիների, անհետ կորած անձանց և պատանդ վերցված քաղաքացիների հարցերով պետական ​​հանձնաժողովի հայտարարության մեջ։

Նշվում է, որ հակամարտության սկզբից ի վեր երկու կազմակերպություններն էլ ընդունել են ռազմագերիների, պատանդների և անհետ կորած անձանց ընտանիքների անդամներին, քննարկել նրանց խնդրանքներն ու բարձրացված հարցերը, ձեռնարկվել են անհրաժեշտ միջոցառումներ։

«Ադրբեջանի Հանրապետությունում Կարմիր Խաչի ներկայացուցչության գործունեության առաջիկա դադարեցման կապակցությամբ, մենք տեղեկացնում ենք անհետ կորած քաղաքացիների ընտանիքներին, որ Պետական ​​հանձնաժողովը և համապատասխան պետական ​​մարմինները ձեռնարկում են անհետաձգելի միջոցներ մեր անհետ կորած քաղաքացիների ճակատագիրը պարզելու համար», – ասվում է հայտարարության մեջ։

Հավելենք, որ Բաքվից ավելի վաղ հայտնել էին, որ ցանկանում են դադարեցնել երկրում Կարմիր Խաչի միջազգային կոմիտեի (ԿԽՄԿ) գործունեությունը։ ԿԽՄԿ-ն միակ միջազգային կառույցն է, որի ներկայացուցիչներն պարբերաբար այցելում են Ադրբեջանում ապօրինի պահվող հայ գերիներին։

Թարգմանությունը Էմմա Չոբանյանի