23.05.2026 | 21:54
System of a Down-ը հուլիսին համերգ կտա Երևանում․ Փաշինյան
Հայկական կոնյակով բեռնված 33 բեռնատար բաց է թողնվել Վրաստանի մաքսատնով․ ՊԵԿ
Տնտեսություն
19.06.2025 | 12:00
Պետական եկամուտների կոմիտեն տեղեկացնում է, որ վերջին օրերին Վրաստանի մաքսային մարմիններում կուտակումներով պայմանավորված՝ հայկական բեռնատարների հայ-վրացական սահմանով հատումը ժամանակավորապես դադարեցնելու հետ կապված խնդիրը կարգավորվել է։ Խոսքը, մասնավորապես, վերաբերում էր հայկական շշալցված կոնյակով բեռնված բեռնատարների կուտակմանը։
ՊԵԿ-ը հայտնում է, որ Վրաստանի մաքսային մարմինների թողունակության կարգավորման արդյունքում, հունիսի 18-ից կազմակերպվել է հայկական շշալցված կոնյակով բեռնված բեռնատարների բացթողումը ՀՀ-ի մաքսային պահեստներից ու հունիսի 19-ի դրությամբ արդեն իսկ 33 բեռնատար բաց է թողնվել։
Հիշեցնենք, որ ՊԵԿ նախագահ Էդուարդ Հակոբյանը Factor TV-ի հետ զրույցում հայկական կոնյակով բեռնված բեռնատարների՝ Վրաստան մուտքի ժամանակավորապես սահմանափակումը հոգատարություն էր համարել արտահանողների համար։
